पुणे | नगर सह्याद्री
वातावरणातील बदलांमुळे सर्दी, ताप, खोकला आजारांच्या रुग्णांची संख्या वाढत असतानाच आता विषाणूजन्य (व्हायरल) न्यूमोनियाच्या रुग्णसंख्येतही वाढ झाली आहे.
दिवाळीतील हवा प्रदूषणामुळे विषाणूजन्य आजार वाढल्याचा अंदाज डॉटरांनी व्यक्त केला होता. मात्र, गेल्या काही दिवसांपासून वातावरणात चढउतार होत आहे. त्यामुळे विषाणूजन्य आजारांचे प्रमाण वाढल्याचे डॉटरांनी सांगितले.
दरवर्षी हिवाळ्यात न्यूमोनियाचे रुग्ण आढळून येतात. यंदा मात्र, न्यूमोनियाच्या रुग्णांत २० ते २५ टक्क्यांनी वाढ झाल्याचे निरीक्षण डॉटरांनी नोंदविले आहे.
सध्या बहुतांश रुग्णांना रुग्णालयात दाखल करण्यासारखी स्थिती नाही. मात्र, मधुमेह, हृदयविकार, वजन जास्त असलेले, ज्येष्ठ नागरिकांना उपचारांसाठी दाखल करावे लागत आहे. न्यूमोनिया हा श्वसनमार्गाचा आजार असून, विषाणू, जीवाणू किंवा बुरशी संसर्गामुळे फुप्फुसांत संसर्ग होतो.
ससून रुग्णालयातील श्वसनरोग विभागाचे प्रमुख डॉ. संजय गायकवाड म्हणाले, गेल्या आठवड्यापासून न्यूमोनियाच्या रुग्णांचे प्रमाण वाढले आहे. काही रुग्णांमध्ये गंभीर स्वरूपाची लक्षणे दिसून येत आहेत.
