नगर सहयाद्री टीम : एफडी ही अजूनही गुंतवणुकीसाठी सर्वोत्तम पर्याय मानला जातो. परंतु अनेक वेळा कमी रिटर्न असल्याच्या कारणास्तव लोक एफडीमध्ये गुंतवणूक करण्यास टाळाटाळ करतात. आज आम्ही तुम्हाला अशा अनेक बँकांच्या मुदत ठेवींबद्दल सांगणार आहोत जिथे तुम्हाला 9 टक्क्यांपर्यंत व्याज मिळेल. स्मॉल फायनान्स बँका ग्राहकांना जास्त व्याजदराचा लाभ देतात. स्मॉल फायनान्स बँका ग्राहकांना 8 ते 8.5 टक्के व्याज देत आहेत. त्यामुळे तुम्ही गुंतवणूक करण्यापूर्वी सर्व बँकांचे व्याजदरही तपासून पहा.
एयू स्मॉल फायनान्स बँक
AU Small Finance Bank 7 दिवस ते 10 वर्षांच्या कालावधीसाठी सर्वसामान्य नागरिकांना 3.75% ते 8% दराने व्याज देत आहे. याशिवाय, 18 महिन्यांत मॅच्युअर होणाऱ्या एफडीवर 8% च्या विक्रमी दराने व्याज उपलब्ध आहे. 24 जानेवारी 2024 पासून दर लागू आहेत.
इक्विटास स्मॉल फायनान्स बँक
इक्विटास स्मॉल फायनान्स बँक 7 दिवस ते 10 वर्षांच्या ठेवीच्या कालावधीसाठी सामान्य नागरिकांना 3.5% ते 8.50% पर्यंत व्याजदर देते. याशिवाय, बँक 444 दिवसांत मॅच्युअर होणाऱ्या एफडीवर 8.50% इतका विक्रमी व्याज दर देत आहे. हे दर 21 ऑगस्ट 2023 पासून लागू आहेत.
ESAF स्मॉल फायनान्स बँक
ESAF स्मॉल फायनान्स बँक सामान्य नागरिकांना 7 दिवस ते 10 वर्षांच्या कालावधीसाठी 4% ते 8.25% पर्यंत FD वर व्याज देते. दोन वर्ष ते तीन वर्षांपेक्षा कमी कालावधीत मॅच्युअर झालेल्या एफडीवर 8.25% विक्रमी व्याजदर दिला जात आहे. हे FD व्याजदर 1 जानेवारी 2024 पासून लागू आहेत.
टीप : ही माहिती ज्ञानावर आधारित असून गुंतवणुकीपूर्वी तज्ज्ञांचा सल्ला घ्यावा
