अन्यथा सोमवारी समाजाचा मोर्चा / पोलीस अधीक्षक कार्यालयावर धडाडणार.
अहिल्यानगर / नगर सह्याद्री –
समस्त आंबेडकरी समाज व मातंग समाजाच्या वतीने घेण्यात आलेल्या पत्रकार परिषदेमध्ये म्हटले आहे की, सचिन कोतकर यांची जी रेकॉर्डिंग व्हायरल झालेली आहे त्या वायरल रेकॉर्डिंग मुळे समस्त मागासवर्गीयांच्या भावना दुखावल्या आहेत. याची लवकरात लवकर चौकशी करून अट्रोसिटी ऍक्ट प्रमाणे गुन्हा दाखल करण्यात यावा.
निवडणुकीच्या काळामध्ये समाजामध्ये तेढ निर्माण करणाऱ्या व्यक्तींवर कारवाई करण्यात यावी अन्यथा समस्त समाजाच्या वतीने सोमवारी सकाळी ११ वाजता पोलीस अधीक्षक कार्यालयावर मोर्चा काढणार असल्याचे सांगितले. यावेळी आंबेडकरी समाजाचे अशोकराव गायकवाड, सामाजिक न्याय विभागाचे सुरेश बनसोडे, अजयराव साळवे, सुमेध गायकवाड, अनंत लोखंडे, सुनील शेत्रे, रोहित आव्हाड, किरण दाभाडे, अंकुश मोहिते, विशाल भिंगारदिवे, बाळासाहेब निकम, सुनील सकट, विशाल गायकवाड, अशोक भोसले, गणेश गायकवाड आदी उपस्थित होते.