Ahmednagar News : अहमदनगर / नगर सह्याद्री : मराठा आरक्षण मागणीसाठी सुरु असलेल्या आंदोलनास व मनोज जरांगे (Manoj Jarange) यांच्या उपोषणास अहमदनगर शहर बार असोसिएशने जाहीर पाठींबा दिला आहे.
मराठा समाजाच्या हक्काचे आरक्षण ओबीसी मधूनच मिळावे या मागणीचे निवेदन शहर वकील संघटनेचे अध्यक्ष ॲड.संजय पाटील यांच्या नेतृत्वाखाली वकिलांच्या शिष्ठमंडळाने जिल्हाधिकाऱ्यांना दिले.
तसेच तहसीलमध्ये उपोषण करणाऱ्या आंदोलनकर्त्यांची भेट घेवून जाहीर पाठींबा दिला. तसेच गुन्हे दाखल झालेल्या मराठा आंदोलकांच्या केसेस मोफत लढणार असा निर्णयही बार असोसिएशनने घेतला आहे.
तत्पूर्वी मंगळवारी दुपारी जिल्हा न्यायालयात झालेल्या शहर वकील संघटनेच्या बैठकीत मराठा समाजाला आरक्षण मिळण्यासाठी उपोषणास बसलेल्या मनोज जरांगे पाटील यांना व सकल मराठा समाजाच्या आंदोलनास जाहीर पाठिबा देण्याचा ठराव मांडण्यात आला. तो सर्व वकिलांनी एकमताने मंजूर केला.
