अहमदनगर / नगर सह्याद्री
Ahmednagar News : जुन्या वादातून पत्नी व मेहुण्यांनी पतीसह त्याच्या आईला जबर मारहाण करण्याची घटना घडली. राहुल सुनील खरात (रा. पाईपलाईन रोड, अ.नगर)असे मारहाण झालेल्या पतीचे नाव असून माया खरात असे मारहाणीत जखमी झालेल्या त्याच्या आईचे नाव आहे.
पत्नी भारती खरात (रा. पाईपलाईन रोड, या.नगर), कैशल्या सावळा कांबळे, विक्की सावळा कांबळे, अक्षय सावळा कांबळे (सर्व रा. हाडपसर जिल्हा पुणे) असे आरोपींचे नावे आहेत. ही घटना ४ ऑक्टोबर २०२३ ला पहाटे घडली.
राहुल खरात यांनी फिर्यादीत म्हटले आहे की, पहाटे मला माझ्या आईचा ओरडण्याचा आवाज आल्याने मी तिच्या खोलीत आलो. तेथे जुन्या वादावरुन पत्नी भारती व इतर आरोपी हे आईला मारहाण करत होते. मी भांडण सोडवण्यास गेलो असता मलाही मारहाण करण्यात आली.
हा गोंधळ ऐकून माझे भाऊ विक्की खरात व आकाश हे भांडण सोडवण्यास पुढे आले. तर आरोपींची त्यांनाही लाकडी दांडक्याने मारहाण करुन जिवे ठार मारण्याची धमकी दिली. त्यानंतर डायल 112 ला फोन करुन सदर घटनेची माहिती दिली. पोलिसांनी घटनास्थळी येत सर्वाना समज दिली. त्यानंतर सुनील यांनी तोफखाना पोलिसांत फिर्याद दिली.
