अहमदनगर : अहमदनगर शहारत अनेक गुन्हेगारी घटना घडताना दिसत आहेत. मागील काही दिवसात अशा घटना वाढलेल्या दिसत आहेत. आता आणखी एक धक्कादायक बातमी समोर आली आहे.
चर्चच्या व्हाट्सअप ग्रुपमधून काढून टाकल्याने दोघांना मारहाण केल्याची घटना मार्केटयार्ड परिसरात घडली. सॅम्युवेल जॉन खरात व जॉन खरात ते मारहाण झालेल्या व्यक्तींचे नावे आहेत. शमुवेल प्रसन्न शिंदे व एक अनोळखी व्यक्ती यांविरोधात गुन्हा दाखल केला आहे.
सॅम्युवेल जॉन खरात हे मार्केटयार्ड परिसरात असताना शमुवेल प्रसन्न शिंदे व एक अनोळखी व्यक्ती यांनी त्यांना अडवले. चर्चच्या व्हाट्सअप ग्रुपमधून काढून का टाकले असा जाब विचारत त्यांना गजाने मारहाण केली.
या मारहाणीत त्यांची गळ्यातील चैन देखील गहाळ झाली. याच दरम्यान सॅम्युवेलचे वडील जॉन खरात तेथे आले. त्यांनाही या दोघांनी मारहाण केली. फिर्यादीचे मामा श्रीकांत निलकंठ गायकवाड व त्यांचे मित्र सलमान तेथे आले असता आरोपी तेथून पळून गेले. सॅम्युवेल यांनी कोतवाली पोलीस ठाण्यात धाव घेत फिर्याद दिली.
