संगमनेर / नगर सह्याद्री
Ahmednagar News : संगमनेर तालुक्यातील पानोडीमध्ये निळवंडे उजव्या कालव्याचे काम सुरु असताना मोठी दुर्घटना घडली. या कामावर ट्रॅक्टर उलटून मोठा अपघात झाला. यात चालक विजय विनायक कदम (वय 25) या तरुणाचा दुर्दैवी मृत्यू झळा. ही दुर्घटना सोमवारी रात्री 9.30 वाजेच्या सुमारास घडली.
कामावरील साहित्य तसेच मजूंराची ने – आण करण्याचे काम विजय कदम करत होता. सोमवारी आश्वी बुद्रक येथिल आठवडे बाजारासाठी तो मंजूराना ट्रॅक्टर मधून घेऊन गेला होता. रात्री उशीरा 9.30 वाजेच्या सुमारास मंजूराना पिप्रीं – लौकी येथे सोडल्यानंतर पानोडी येथिल आपल्या घराकडे तो टॅक्टर घेऊन चालला होता.
कदम – मुंढे वस्तीनजीक वळणावर टॅक्टरवरील ताबा सुटल्याने ट्रॅक्टर पलटी झाला व त्याखाली विजय दबला गेला होता. या रस्त्यावरुन येणार्या जाणार्याची वर्दळ कमी असल्यामुळे विजयला मदत मिळू शकली नाही. त्यामुळे त्याचा जागीच मृत्यू झाला असल्याची माहिती मिळाली आहे.
