अहमदनगर / नगर सह्याद्री : कोपरगाव तालुक्यातील रांजणगाव देशमुख ग्रामपंचायतच्या सरपंच जिजाबाई गजानन मते यांना एकत्रित कुटुंबाचे अतिक्रमण असल्यामुळे अपात्र करण्याचा आदेश अहमदनगरचे जिल्हाधिकारी सिद्धराम सालीमठ यांनी दिला.
रांजणगाव देशमुख या ग्रामपंचायतच्या सरपंच जिजाबाई गजानन मते यांचे व त्यांच्या कुटुंबियांचे शासकीय जागेवर व्यावसायिक अतिक्रमण होते. यामुळे त्यांना सरपंच पदावरून अपात्र करावे या साठी अशा गोरडे व प्रकाश गोरडे यांनी जिल्हाधिकाऱ्यांकडे विवाद अर्ज सादर केला होता. यावर सुनावणी झाली. या प्रकरणात गट विकास अधिकारी यांकडून अहवाल मागविण्यात आला होता. तसेच बांधकाम विभागाकडूनही अहवाल मागविण्यात आला होता.
सदरील सुनावणी दरम्यान अर्जदार व सामनेवाले सरपंच या दोघांचा युक्तिवाद जिल्हाधिकाऱ्यांनी ऐकून घेतला. यात एकत्रित कुटुंबियांचे सरकारी मिळकतीवर अतिक्रमण असल्याचे समोर आले. झाल्यामुळे सरपंच जिजाबाई गजानन मते यांना अपात्र करण्याचा निर्णय घोषित केला.
