अहमदनगर / नगर सह्याद्री : कोतवाली पोलीसांनी कायनेटिक चौकात चोरटी दारू वाहतूक पकडली. ट्रकमधून आरोपी विदेशी दारू घेऊन चालला होता. अरुण सुखदेव लंके (रा.चिखली, ता.श्रीगोंदा) असे आरोपीचे नाव आहे. पोलिसांनी त्याच्या ताब्यातील १० लाख ५२ हजार ८०० रुपयांचा मुददेमाल हस्तगत केला.
अधिक माहिती अशी : ११ डिसेंबर रोजी कोतवाली पोलीसांना गुप्त माहिती मिळाली की, एक माल वाहतूक ट्रकचा चालक ट्रकमधून काही देशी विदेशी दारुची बेकायदा, विनापरवाना वाहतूक करत आहे. पोलिसांनी प्राप्त माहितीनुसार कायनेटिक चौकात सापळा लावला. त्या ट्रकची तपासणी केली असता
केबीनमध्ये सात विदेशी दारुचे बॉक्स आढळून आले. पोलिसांनी त्याच्या ताब्यातील मालवाहतूक ट्रक व विदेशी दारु असा १० लाख ५२ हजार ८०० रुपयांचा मुददेमाल जप्त केला. पोलीस कॉन्स्टेबल कैलास शिरसाठ यांच्या फिर्यादीवरुन कोतवाली पोलीस ठाण्यात गुन्हा दाखल करण्यात आला. पुढील तपास पोलीस करत आहेत.
ही पोलीस अधिक्षक राकेश ओला, अपर पोलीस अधिक्षक प्रशांत खैरे, उपविभागीय पोलीस अधिकारी अनिल कातकाडे यांच्या मार्गदर्शनाखाली पोलिस निरीक्षक चंद्रशेखर यादव, पोलीस अंमलदार तन्वीर शेख, गणेश धोत्रे, योगेश भिंगारदिवे, अमोल गाढे, संदिप थोरात, कैलास शिरसाठ, सोमनाथ राऊत सुजय हिवाळे, अभय कदम, रिंकू काजळे यांच्या पथकाने केली.
