अहमदनगर ब्रेकिंग ! आता ‘या’ बँकेच्या कर्ज फसवणूक प्रकरणात ‘तो’ बडा सीए ताब्यात

अहमदनगर / नगरसहयाद्री : अहमदनगर शहरातून एक मोठी बातमी समोर आली आहे. शहर सहकारी बँकेच्या कर्ज फसवणूक प्रकरणाबाबत एक मोठी बातमी समोर आली आहे.

एका बड्या चार्टर्ड अकाऊंटंटला आर्थिक गुन्हे शाखेने अटक केली आहे. दापोली येथून पळून जाण्याच्या तयारीत असतानाच पोलिसांनी दापोली जवळून ताब्यात घेतल्याची माहिती मिळाली आहे. ही कारवाई बुधवारी (दि.13) सायंकाळी करण्यात आली.

दरम्यान, या सीएला चौकशीसाठी ताब्यात घेतले की अटक करण्यात आली? कोणत्या गुन्ह्यात ही कारवाई झाली? याबाबत अधिकृत माहिती समजलेली नाही. एका मोठ्या कर्ज प्रकरणात फसवणूक प्रकरणी गुन्हा दाखल असून या गुन्ह्याचा तपास आर्थिक गुन्हे शाखेकडून सुरू असल्याचे समजते. तसेच या गुन्ह्यात यापूर्वी काहींना अटकही करण्यात आलेली आहे.

विजय मर्दा या चार्टर्ड अकाऊंटंटला आर्थिक गुन्हे शाखेने अटक केली होती. आज न्यायालयासमोर हजर केल्यानंतर न्यायालयाने सोमवार पर्यंत पोलिस कस्टडीत ठेवण्याचे आदेश दिले आहेत.