अहमदनगर / नगर सह्याद्री : दिवाळी व फटाके हे माथे समीकरण जुळलेलं आहे. परंतु बऱ्याचदा फटाक्यांमुळे आग लागण्याच्या घटनाही घडतात.
आता अहमदनगरमध्येही अशीच एक घटना घडली. ऐन दिवाळीत रविवारी सायंकाळी सावेडी परिसरातील नागरिक लक्ष्मीपूजन करत असताना आगीची घटना घडली.
सावेडी परिसरातील खंडोबा मंदिराच्या शेजारील घराला फटाक्यामुळे आग लागली. या आगीत मोठ्या प्रमाणात नुकसान झालेले नाही. अग्निशमन दलाने तातडीने येऊन ही आग आटोक्यात आणल्याने मोठा अनर्थ टळला.
फटाक्यामुळे ही आग लागल्याची प्राथमिक माहिती आहे. स्थानिक नागरिक संतोष जाधव यांनी घटनास्थळी धाव घेत अग्निशमन दलाच्या अधिकार्‍यांना फोन करून घटनेबाबत माहिती दिली. अग्निशमन दलाने तत्परता दाखवत लवकर येऊन ही आग त्वरित विझवली यामुळे मोठा अनर्थ टळला.
