मुंबई ः दाक्षिणात्य सिनेसृष्टीतील ब्युटीफुल अभिनेत्री म्हणून ओळखली जाणारी नयनतारा आज ३९ वा वाढदिवस साजरा करत आहे. नयनतारा इंडस्ट्रीतील टॉप अभिनेत्रीपैकी एक आहे.
नयनतारा तिच्या अभिनयाने नेहमीच प्रेक्षकांची मने जिंकत असते. नयनतारा आघाडीची अभिनेत्री असून ती देशातील सर्वात श्रीमंत नायिकांपैकी एक आहे. एका रिपोर्टनुसार, नयनताराची एकूण संपत्ती २०० कोटी रुपये आहे. नयनताराकडे १०० कोटींचे घर आहे. तिच्याकडे चार लझरी प्रॉपर्टीज आहेत. तमिळनाडूपासून मुंबईपर्यंत अनेक ठिकाणी या प्रॉपर्टीज आहे. नयनतारा तिचा नवरा विग्नेश शिवनसोबत ४ बीएचके फ्लॅटमध्ये राहते. त्या फ्लॅटची किंमत जवळपास १०० कोटींच्या घरात आहे.
तिच्या घरात प्रायव्हेट थिएटर, जिम, स्विमींग पूल आहे. तिचे हैदराबादच्या बंजारा हिल्समध्ये दोन अपार्टमेंट आहे. या घरांची किंमत जवळपास ३० कोटी रुपये आहे. स्वतः चे प्रायव्हेट जेट आहे. तिच्या जेटची किंमत ५० कोटी असल्याचे सांगतात. नयनताराकडे अनेक लझरी कार आहेत. तिच्याकडे १.७६ कोटींची बीएमडब्ल्यू ७ सीरीज, १ कोटींची मर्सिडिज आणि बीएमडब्ल्यू ५ सीरीज आहे.
नयनतारा एक व्यवसायिकदेखील आहे. ती लिप बाम आणि युएईमध्ये तेल कंपनीत पार्टनर आहे. नयनतारा एका प्रोडशन कंपनीची सहमालक आहे. पती विघ्नेश शिवनसोबत राउडी पिचर बॅनर हे प्रोडशन हाऊस चालवते.
