अहिल्यानगर / नगर सह्याद्री –
पोलिसांत फिर्याद दिल्याच्या रागातून बहिण-भावाला लोेखंडी गज, लाकडी दांडक्याने मारहाण केल्याची घटना बुधवारी (13 नोव्हेंबर) सायंकाळी पाचच्या सुमारास कौडगाव (ता. नगर) शिवारात घडली. हनुमंत लक्ष्मण गावडे (वय 30 रा. सोलापुरवाडी ता. आष्टी जि. बीड) व भागुबाई खर्से (रा. कौडगाव) अशी मारहाणीत जखमी झालेल्या बहिण-भावाची नावे आहेत.
जखमी हनुमंत गावडे यांनी दिलेल्या फिर्यादीवरून दोघांविरूध्द नगर तालुका पोलीस ठाण्यात गुन्हा दाखल करण्यात आला आहे.संतोष भगवान खर्से, सतिष भगवान खर्से (दोघे रा. कौडगाव) अशी गुन्हा दाखल झालेल्यांची नावे आहेत. फिर्यादीच्या बहिणीने संतोष खर्से व सतिष खर्से या दोघां विरोधात पोलीस ठाण्यात फिर्याद दिली होती. बुधवारी सायंकाळी फिर्यादी त्यांच्या बहिणीच्या घरासमोर असताना पोलीस ठाण्यात दिलेल्या फिर्यादीचा राग मनात धरून संतोष व सतिष यांनी फिर्यादीला व त्यांच्या बहिणीला लोखंडी गज, लाकडी दांडक्याने मारहाण करून जखमी केले.
शिवीगाळ, दमदाटी करून आमच्या नादाला लागले तर जिवे मारून टाकू अशी धमकी देवून तेथून निघून गेले. त्यानंतर फिर्यादी व त्यांच्या बहिणीने नगर तालुका पोलीस ठाणे गाठून गुन्हा दाखल केला आहे. अधिक तपास पोलीस अंमलदार सरोदे करत आहेत.
