अहदनगर । नगर सह्याद्री:
खासदार नीलेश लंके यांनी स्थानिक गुन्हे शाखेतील भ्रष्टचाराविरोधात सुरू केलेले उपोषण अखेर चौथ्या दिवशी मागे घेण्यात आले. नाशिकचे आयजी यांनी दिलेल्या लेखी आश्‍वासनानंतर हे उपोषण मागे घेण्यात आलेे. 15 दिवसांत सर्व आरोपांची चौकशी करत दोषींवर कारवाई करण्यात येईल असे आश्‍वासन देण्यात आले.
दरम्यान माजी मंत्री बाळासाहेब थोरात यांनी थेट नाशिक परिक्षेत्राचे आयजी कराळे यांच्यासोबत चर्चा केली. त्यानंतर लेखी पत्र खासदार लंके यांना देण्यात आल्यानंतर हे उपोषण मागे घेण्यात आले.
माजी मंत्री आ बाळासाहेब थोरात यांनी दुपारी 1 वाजणाच्या सुारास खा.लंके यांची उपोषणस्थळी जाऊन भेट घेतली होती. त्यानंतर वेगाने घडामोडी घडल्या. थोरात यांनी थेट आयजी कराळे यांच्यासोबत या संदर्भात चर्चा केली. त्यानंतर 15 दिवसांच्या आत सर्व आरोपांची चौकशी करण्यात येईल व दोषींवर कारवाई करण्यात येणार असल्याचे सांगितले. तसे पत्र देखील खासदार लंके यांना देण्यात आले.
यावेळी राष्ट्रवादीचे जिल्हाध्यक्ष राजेंद्र तात्या फाळके , घनश्याम आण्णा शेलार यांच्या सह जिल्ह्यातील महाविकास आघाडीच्या प्रमुख नेते मंडळीच्या उपस्थितीत लिंबु सरबत घेत खा.डॉ निलेश लंके, योगीराज गाडे व बबलु रोहकले यांनी उपोषण मागे घेतले. दरम्यान खा.लंके यांना अशक्तपणा जाणावत असल्याने उपोषण स्थळी थेट सलाईन लावण्यात आले होते. त्यांची प्रकृती देखील खालवली होती.
