मुंबई / नगर सह्याद्री : राज्यात मराठा आंदोलनाने चांगलाच जोर धरला आहे. राज्यातील राजकीय नेत्यांनी देखील आता धसका घेतला आहे. तसेच सत्ताधाऱ्यांसह विरोधातील आमदारांनी देखील आता आंदोलनास पाठिंबा देण्यास सुरवात केली आहे.
भाजप खासदारांनी देखील राजीनामे दिले आहेत. राज्यातील मंत्रिमंडळ बैठक, राजकीय चर्चा यांचा काहीच परिणाम होत नसल्याने आता दिल्लीत केंद्रीय पातळीवर याबाबत हालचाली सुरु झाल्याचे वृत्त आहे.आता केंद्रीय गृहमंत्री अमित शाह हे मराठा आरक्षणाचा प्रश्न सोडवण्यासाठी आता ऍक्टिव्ह होण्याची शक्यता वर्तवली जातेय. अमित शाह यांनी उपमुख्यमंत्री देवेंद्र फडणवीस आणि भाजप प्रदेशाध्यक्ष चंद्रशेखर बावनकुळे यांना दिल्लीत आज बोलवलंय.
ते दोघेही दिल्लीतील निवासस्थानी दुपारी ३.३० वाजता पोहोचणार आहेत. यांच्यामध्ये आता मराठा आरक्षणाच्या मुद्द्यावर चर्चा होईल अशी माहिती समोर येत आहे. मुंबईत झालेल्या सर्वपक्षीय बैठकीत काँग्रेस नेत्यांनी केंद्र सरकारने मराठा आरक्षणाचा प्रश्न सोडवावा, अशी मागणी केली होती.
त्यानंतर अमित शहा यांनी देवेंद्र फडणवीस आणि चंद्रशेखर बावनकुळे यांना दिल्लीला बोलावलं. आता मराठा आरक्षण आंदोलनावर तोडगा काढण्यासाठी अमित शहा देवेंद्र फडणवीस यांना काही सूचना देतात का? की ते स्वतः यात काही निर्णय घेतील एके लक्ष लागले आहे.
