रेखा जरे हत्याकांडातील सरकारी साक्षीदाराला जीवे मारण्याची धमकी
अहिल्यानगर । नगर सहयाद्री:-
गेल्या तीन वर्षांपूर्वी महाराष्ट्राला हादरवून सोडणाऱ्या रेखा जरेह त्याकांडातील सरकारी साक्षीदार डॉ. विजय मकासरे यांना दुचाकीवरून आलेल्या दोन अज्ञात इसमांनी जीवे मारण्याची धमकी दिली. याप्रकरणी साक्षीदार डॉ. विजय मकासरे (वय ४०, रा. वळण, ता. राहुरी) यांनी एमआयडीसी पोलिस ठाण्यात फिर्याद दिली आहे. त्यानुसार दोन अज्ञात इसमांविरोधात गुन्हा दाखल करण्यात आला आहे.
रविवार दि,०६ रोजी कामानिमित चारचाकी वाहनाने साक्षीदार मकासरे नगरकडे जात होते. दरम्यान शेंडी बायपास जवळ त्यांची चारचाकी विनानंबरच्या बुलेटवरून आलेल्या दोघा हेल्मेटधारी अज्ञात इसमांनीअडवली. ‘तू रेखा जरे हत्याकांडात सरकारी साक्षीदार आहे ना? आमच्या बाजूने साक्ष दे.
आमच्या विरोधात साक्ष दिल्यास तुला ट्रकनं उडवून देऊ,’ अशी धमकी देत ते अज्ञात निघून गेले. याबाबत मकासरे यांनी एमआयडीसी पोलीस ठाण्यात तक्रार दिली. त्या तक्रारीनुसार पोलिसांनी अदखलपात्र गुह्याची नोंद केली आहे.
