अहमदनगर। नगर सहयाद्री
मनोज जरांगे पाटील अंदोलनावर ठाम असून त्यांच्या नेतृत्वाखाली लाखो मराठा बांधव मुंबईकडे रवाना झाले आहे. त्यामुळे मराठा आरक्षणाची मागणी अधिक तीव्र झाल्याचे चित्र पाहायला मिळत आहे.
सरकाकडून कुठल्याही प्रकारची ठोस भूमिका घेतली गेली नसल्यामुळे मुंबईतील आझाद मैदानावर २६ जानेवारीपासून आमरण उपोषण करण्याचा इशारा जरांगे पाटलांनी दिला आहे. सरकारकडून जरांगे पाटलांची मनधरणी करण्याचे प्रयत्न सुरू असतानाच आमदार रोहित पवार यांनी मराठा आरक्षणावरुन सरकारवर हल्लाबोल केला आहे.
मनोज जरांगे पाटील यांची भूमिका योग्य
जरांगे पाटील मुंबईच्या दिशेने रवाना झाल्याने सरकारची धावपळ उडाली आहे. मनोज जरांगे पाटील यांची भूमिका योग्य असून आंदोलना नंतरच हे सरकार जागे होते. आतापर्यंत सरकार झोपलेले होते का? चेष्ठा करता का, समाजाला फसवता का? फसवणूक करत लोकसभेची निवडणूक काढायची आहे, असे म्हणत सरकारवर रोहित पवार यांनी निशाणा साधला आहे.
