नगर सहयाद्री वेब टीम-
व्हॉट्सअॅप लवकरच नवीन फीचर लाँच करणार आहे ज्यामुळे इंटरनेटशिवाय फाइल्स शेअर करणे शक्य होणार आहे. मेटा कंपनी सध्या या फीचरवर काम करत आहे. जगभरात लाखो लोक व्हॉट्सअॅपचा वापर करतात, आणि व्हॉट्सअॅपमुळे कोणतीही माहिती सहजपणे मिळवता येते. इंटरनेटशिवाय व्हॉट्सअॅपद्वारे कोणताही मेसेज ट्रान्सफर करणे शक्य नसते. परंतु आता इंटरनेटशिवायही फाइल ट्रान्सफर करणे शक्य होणार आहे.
मीडिया रिपोर्टनुसार, मेटा कंपनी व्हॉट्सअॅपच्या नवीन फीचरवर काम करत आहे. या फीचरमध्ये तुम्हाला तुमच्या मित्रांना कोणताही चित्रपट किंवा मोठी फाइल पाठवण्यासाठी इंटरनेटची गरज भासणार नाही. हे फीचर आयफोनच्या एअरड्रॉप फाइल शेअरिंग फीचरप्रमाणे काम करेल.
व्हॉट्सअॅप नवीन फाइल शेअरिंग फीचरची चाचणी करत आहे. हे फीचर इंटरनेटशिवाय फाइल पाठवण्यासाठी मदत करेल. या फीचरमुळे फोटो, व्हिडिओ, फाइल शेअर करणे सोपे होणार आहे. WhatsApp च्या या फीचरमध्ये क्यूआर कोडचा वापर केला जाईल.
त्यामुळे क्यूआर कोड स्कॅन करून फाइल ट्रान्सफर करता येईल. अनेकदा मोठ्या फाइल्स ट्रान्सफर करताना नेटवर्कचा प्रॉब्लेम येतो, त्यामुळे इंटरनेटशिवाय फाइल ट्रान्सफर करणे सोपे होईल. व्हॉट्सअॅपच्या या फीचरमध्ये एंड टू एंड एनक्रिप्शन असेल, ज्यामुळे युजर्सच्या गोपनियतेचे पालन केले जाणार आहे.
