अहमदनगर | नगर सह्याद्री
शहरातील केडगाव परिसरातुन १२ वर्षांचा अल्पवयीन मुलाचे अपहरण झाल्याचा प्रकार समोर आला आहे. याप्रकरणी आकाश सुदाम गांगुर्डे (वय-२५ वर्षे, मुळ रा. चांदेगांव ता. राहुरी हल्ली रा. विटभटटी, ओंकारनगर, केडगाव) यांनी अज्ञात इसमांविरोधात कोतवाली पोलीस ठाण्यात फिर्याद दाखल केली आहे.
अधिक माहिती अशी: मूळचे चांदेगांव ता. राहुरी येथील आकाश गांगुर्डे उदरनिर्वाहासाठी कटूंबासह शहरातील केडगाव मधील ओंकार नगर परिसरातील सचिन पवार यांच्या विटभटटीवर मोलमजुरीचे काम करतात. बहिण मुक्ता वाघ हिचे पती दिपक वाघ हे तिला नांदवत नसल्याने ती व भाचा महेश दिपक वाघ देखील त्यांच्यासोबत वास्तव्यास आहे.
विटभटटीवर काम करीत असताना भाचा महेश गार्डन मध्ये खेळायला जात असलयाचे सांगुन निघुन गेला. त्यानंतर खुप वेळ झाला तरी महेश हा गार्डनमधुन परतला नसल्यामुळे शोधा-शोध करूनही महेश मिळुन आला नाही. महेश यास कोणीतरी अज्ञात इसमाने अज्ञात कारणाकरिता आमच्या रखवालीतुन पळवुन नेलेअसल्याचे फिर्यादीत म्हंटले आहे.
