रक्तदान शिबिरास प्रतिसाद
पारनेर / नगर सह्याद्री :
Parner news : एखादा व्यवसाय उभा राहताना समाजातील सर्व स्तरांतील नागरिकांची मोठी मदत होते. व्यवसायात दिवसेंदिवस वाढ होत आसते. हे करीत आसताना सामाजिक कामात योगदान देणे आवश्यक असते. हाच उद्देश डोळ्यासमोर ठेवून सामाजिक कार्याची जोड देत “कन्हैया अॅग्रो” ची वाटचाल सुरू आहे, असे प्रतिपादन नगराध्यक्ष नितीन अडसूळ यांनी केले.
गटेवाडी (ता. पारनेर) येथे कन्हैया उद्योग समूह, एचडीएफसी बैंक, जनकल्याण रक्तपेढीच्या वतीने रक्तदान शिबिराचे आयोजन केले होते. याचे उदघाटन नगराध्यक्ष अडसूळ यांच्या हस्ते झाले. त्यावेळी ते बोलत होते.
यावेळी कन्हैया अॅग्रोचे कार्यकारी संचालक सुरेश पठारे, संचालक मच्छिंद्र लंके, संचालक अभय औटी, लिवेश नायर, विठ्ठल पवार, मार्केटिंग हेड श्रीपती भट, कार्यकारी व्यवस्थापक राजस घोगरे, डॉ. झेंडे, श्री अनंत व कंपनीचे अधिकारी व कर्मचारी वर्ग उपस्थित होता.
अडसूळ म्हणाले, रक्तदान हे जीवनदान देण्यासाठी आवश्यक आहे. रक्तदानामुळे काहीही त्रास होत नाही. सशक्त माणूस रक्तदान करू शकतो. यावेळी ६१ नागरिकांनी रक्तदान केले.
रक्तदान ही आजच्या काळाची गरज
एकाने रक्तदान केल्यास त्यातून चौघांना जीवनदान मिळते. अनेकदा वेळेवर रक्त मिळत नसल्याने मृत्यू होण्याच्या घटना कानावर येतात. समाजात रक्तदानाविषयी असणारे गैरसमज दूर करून जास्तीत जास्त लोकांमध्ये जनजागृती करून रक्तदान वाढवणे ही आजच्या काळाची गरज आहे.
– सुरेश पठारे, कन्हैया अॅग्रो कार्यकारी संचालक,
