नगरमध्ये दोन गटात तुफान राडा!, दोन जण जखमी, वाळकीत पोलिस बंदोबस्त तैनात

अहमदनगर / नगर सह्याद्री
नगर तालुक्यातील वाळकी येथे दोन गटात पाण्याच्या किरकोळ कारणावरून सिनेस्टाईल राडा झाल्याची घटना शुक्रवार दिनांक 3 मे रोजी सायंकाळी साडेसातच्या सुमारास घडली. या घटनेत दोघे जखमी झाल्याची माहिती आहे.

दरम्यान, वाळकीत पाण्याच्या कारणावरून किरकोळ वाद झाला. तो मिटलाही. परंतु, मोठा जमाव गावात आल्याने दोन गटात सिनेस्टाईल राडा झाला. या राड्यात दोन जण जखमी झाले असल्याची माहिती मिळत आहे. तसेच घटनेची माहिती मिळताच नगर तालुका पोलिसांचा फौजफाटा वाळकीत दाखल झाला आहे. सध्या गावात तणावपूर्ण शांतता आहे.