औसा / नगरसह्याद्री :
अपघाताच्या अनेक घटना समोर येत आहेत. अनेक अपघाताच्या मालिका वारंवार समोर येत आहेत. आता आणखी एक मोठी घटना समोर आली आहे.
भरधाव कारने ट्रॅक्टरला जोराची धडक दिल्याने कार चालकासह तीन शिक्षकांचा जागीच मृत्यू झाला आहे. ही घटना औसा तालुक्यात घडली आहे. हा अपघात शुक्रवारी मध्यरात्री १२:५० वाजता औशाजवळील साईप्रसाद हॉटेलसमोर घडला आहे.
अपघात इतका भीषण होता की, कारचे इंजिन ३० फुटावर जावून पडले. पोलिस, रुग्णवाहिका आरोग्य कर्मचारी व नागरिकांना कारमधून पहाटे ४:३० वाजता मृतदेह बाहेर काढण्यात यश आले. औसा ग्रामीण रुग्णालयात मयताचे शवविच्छेदन करण्यात आले असून, मयत शिक्षकांमध्ये महेबूब मुन्नवरखान पठाण, जयप्रकाश मोतीराम बिराजदार, संजय बाबुराव रणदिवे तर चालक राजेसाब नन्हु बागवान यांचा समावेश आहे.
