श्रीगोंदा । नगर सहयाद्री:-
तालुयासह श्रीगोंदा शहरांमध्ये चोरीच्या घटनांमध्ये वाढ झाल्याने नागरिकांमध्ये भीतीचे वातावरण आहे. श्रीगोंदा शहरातील शिवाजीनगर येथे दिनांक २५ जुुन रोजी रोजी पहाटे ४:२० वाजण्याच्या सुमारास चोरट्यांनी २ लाख ७३ हजार रुपये किमतीचे सोन्याचे दागिने व ४५ हजार रुपये रक्कम लंपास केले.
शिवाजीनगर मधील संभाजीराजे रामचंद्र पवार यांच्या राहत्या घराचे खिडकीचे गज कापून घरात प्रवेश करून घरातील कपाटातील लोकर मधील ठेवलेले रोख रक्कम व सोन्याचे दागिने लंपास केले.तसेच आढळगाव येथे २४जून रोजी रात्री आठ ते सकाळी सहाच्या दरम्यान चोरट्यांनी २९ हजार रुपये किमतीचे सोन्याचे दागिने व रोख रक्कम १९ हजार रुपये लंपास केले.
दगडाबाई विनायक कांगुणे यांच्या घराचे दरवाजाचे कुलूप तोडून आत प्रवेश करून घरातून सोन्याचे दागिने व रोख रक्कम लंपास केले. तसेच मढेवडगाव येथे २३ जून रोजी रात्री ३:४० च्या सुमारास इन्डस मोबाईल टावरचे कार्ड केबल आदी १५ हजार रुपये किंमतीचे साहित्य चोरट्यांनी लंपास केले.
या घटना मुळे श्रीगोंदा तालुयात खळबळ उडाली आहे तिन्ही घटनांची श्रीगोंदा पोलीस ठाण्यात नोंद करून गुन्हा दाखल करण्यात आला आहे. पुढील तपास श्रीगोंदा पोलीस स्टेशनचे पोलीस निरीक्षक ज्ञानेश्वर भोसले व पोलीस कॉन्स्टेबल करत आहेत.
