spot_img
महाराष्ट्र'ते' दोघे पोलीस ठाण्यात बसलेले, भाजपचे आमदार केबिनमध्ये घुसले अन बेछूट गोळीबार...

‘ते’ दोघे पोलीस ठाण्यात बसलेले, भाजपचे आमदार केबिनमध्ये घुसले अन बेछूट गोळीबार केला..थरारक फुटेज समोर

spot_img

उल्हासनगर / नगर सह्याद्री : भारतीय जनता पार्टीचे आमदार गणपत गायकवाड यांनी कल्याणचे शिवसेना शिंदे गटाचे शहरप्रमुख महेश गायकवाडयांच्यावर गोळीबार केला. उल्हासनगरच्या हिललाईन पोलीस ठाण्यात वरिष्ठ पोलीस निरिक्षकाच्या केबिनमध्येच हा गोळीबाराचा थरार झाला.

या घटनेचे थरारक सीसीटीव्ही फुटेज सध्या व्हायरल होत आहेत. यामध्ये गायकवाड हे केबिनमध्ये जात बेछूट गोळीबार करताना दिसत होते. उल्हासनगरच्या द्वारली येथील जमिनीवरून गणपत गायकवाड आणि महेश गायकवाड यांच्यात शीतयुद्ध सुरु होते.

या वादग्रस्त जागेवर महेश गायकवाड यांनी कब्जा केला होता असा आरोप आहे. त्याचबाबत गणपत गायकवाड यांचे सुपुत्र वैभव गायकवाड पोलीस ठाण्यात तक्रार नोंदवण्यास गेले होते. तिथे महेश गायकवाड आणि राहुल पाटील हेदेखील पोहचले. हिललाईन पोलीस निरिक्षकांच्या केबिनमध्ये दोन्ही गटाचे प्रमुख लोक बसले होते. पोलीस स्टेशनच्या बाहेर मोठी गर्दी होती. त्यात काही वाद झाल्याने पोलीस निरिक्षक उठून बाहेर गेले.

तितक्यात आमदार गणपत गायकवाड यांनी दुसऱ्या दरवाजाने प्रवेश घेतला. त्यावेळी महेश गायकवाड, राहुल पाटील यांचे लक्ष नसताना अचानक त्यांच्यावर गायकवाड यांच्याकडून गोळीबार सुरू झाला. राहुल पाटील यांनी वाचण्याचा प्रयत्न केला. त्यात राहुल पाटील यांच्या हाताला, खांद्याला गोळी लागली. मात्र गायकवाड यांनी महेश गायकवाड यांच्यावर ६ गोळ्या झाडल्या. पोलिसांनी धाडसाने आमदार गणपत गायकवाड यांना रोखून तात्काळ ताब्यात घेतले. तर महेश गायकवाड, राहुल पाटील या दोन जखमींना रुग्णालयात उपचारासाठी नेले आहे.

आणखी महत्वाच्या बातम्या

आणखी वाचा

नगरमध्ये ग्राम महसुल अधिकारी लाचलुचपतच्या जाळ्यात

  अहिल्यानगर/प्रतिनिधी : पारनेर तालुक्यातील वाडेगव्हाण (ता. नगर) येथील ग्राम महसुल अधिकारी दिपक साठे यास लाचलुचपत...

आता मराठ्यांचं वादळं दिल्लीत धडकणार, जरांगे पाटलांची थेट घोषणा, समोर आलं मोठं कारण

नगर सह्याद्री वेब टीम - मराठा समाजाला आरक्षण मिळावं यासाठी मराठा आरक्षण आंदोलक मनोज...

प्रवाशांनो लक्ष द्या! आता बीडहून अहिल्यानगरकडे रेल्वेगाडी धावणार; कुणाच्या हस्ते झाले उदघाटन?

अहिल्यानगर । नगर सहयाद्री:- अनेक दशकांपासून बीडवासीयांचे स्वप्न असलेली रेल्वे अखेर वास्तवात उतरली आहे....

आमदारांची ॲक्शन, पोलिसांची रिॲक्शन; रस्त्यावर गोमांस फेकणाऱ्या आरोपीला सहा तासात बेड्या

अहिल्यानगर | नगर सह्याद्री शहरातील कोठला भागात मंगळवारी सायंकाळी रस्त्यावर गोमांस टाकल्याचे निदर्शनास आल्यावर...