spot_img
अहमदनगरराळेगणसिद्धीतील सत्कार सरपंचाना उर्जा देणारा ठरेल : शिवाजी शिर्के

राळेगणसिद्धीतील सत्कार सरपंचाना उर्जा देणारा ठरेल : शिवाजी शिर्के

spot_img

पारनेर, शिरुरच्या नवनिर्वाचित सरपंच, सदस्यांचा मातोश्री लक्ष्मीबाई औटी प्रतिष्ठानच्या वतीने सत्कार

राळेगणसिद्धी | नगर सह्याद्री
ग्रामपंचायत निवडणुकीत मतदारांनी टाकलेला विश्‍वास सार्थ ठरवितानाच त्यांच्या विश्‍वासाला पात्र ठरेल असे काम जनतेतून निवडून आलेल्या ग्रामपंचायत सरपंच आणि सदस्यांनी करावे. राळेगणसिद्धीमध्ये होत असलेला लोकनियुक्त सरपंच व सदस्यांचा सत्कार तुम्हाला गावात काम करताना उर्जा देणारा ठरेल असा आशावाद अहमदनगर प्रेस क्लबचे अध्यक्ष व दैनिक नगर सह्याद्रीचे संपादक शिवाजी शिर्के यांनी व्यक्त केला.

राळेगणसिद्धी येथील मातोश्रीे लक्ष्मीबाई दगडु औटी प्रतिष्ठानच्या वतीने पारनेर व शिरुर तालुक्यातील लोकनियुक्त सरपंच व ग्रामपंचायत सदस्यांचा सत्कार समारंभ पार पडला. यावेळी आयोजित कार्यक्रमात श्री. शिर्के बोलत होते. या कार्यक्रमात वाडगव्हाणच्या सरपंच सौ. प्रियंकाताई किशोर यादव, मावळेवाडीच्या सरपंच सौ. कल्याणीताई कांतीलाल भोसले,

देवदैठणच्या सरपंच सौ. जयश्रीताई विश्‍वास गुंजाळ, रामलिंगच्या सरपंच कु. शिल्पा दिलीप गायकवाड, तर्डोबावाडीचे सरपंच जगदीश पाचर्णे, यादववाडीचे सरपंच राजेंद्र बाळु शेळके यांच्यासह ग्रामपंचायत सदस्या सौ. सोनालीताई विजय घावटे (रामलिंग), सौ. नंदीनीताई येथू झांबरे (वाडेगव्हाण), सौ. चैतालीताई अमोल यादव (वाडेगव्हाण), सौ. शालनताई श्रीरंग रासकर (वाडेगव्हाण), सौ. स्वातीताई विठ्ठल घावटे (रामलिंग), सौ. पुजाताई रवींद्र पडळकर (मावळेवाडी), श्री. लक्ष्मण कर्डिले (तर्डोबावाडी) व सदस्यांचा श्री. शिवाजी शिर्के यांच्या हस्ते गौरव करण्यात आला.

प्रतिष्ठानचे अध्यक्ष रमेश औटी यांनी प्रास्ताविक केले आणि सत्कार समारंभ आयोजित करण्यामागील उद्देश स्पष्ट केला. ग्रामविकासाला दिशा देणार्‍या राळेगणसिद्धीच्या मातीत नवनिर्वाचित सरपंच, सदस्यांचा सत्कार होत असल्याने हे तुमचे सर्वांचे भाग्य असल्याचे श्री. शिर्के यांनी यावेळी स्पष्ट केले.

अण्णांच्या गावातील मातीत मिळालेला हा सत्कार तुम्हाला गावात काम करताना उर्जा देणारा ठरणार असल्याने आपआपल्या गावात काम करताना समाजाला दिशा देण्याचे काम आपण कराला असा आशावादही श्री. शिर्के यांनी व्यक्त केला. रमेश औटी यांच्या संघटनकौशल्यासह मित्रपरिवार जपण्याच्या हातोटीचेही त्यांनी कौतुक केले.

आणखी महत्वाच्या बातम्या

आणखी वाचा

पाऊस आला रे आला; कुठे दाखल झाला पाऊस, महाराष्ट्रात केव्हा येणार पहा…

पुणे / नगर सह्याद्री : आत्ता पावसाबाबत महत्वाची अपडेट समोर येत असून मान्सून अंदमानात...

Health Tips: उत्तम आरोग्यसाठी ‘या’ भाज्या लाभदायक तर ‘त्या’ हानिकारक!

नगर सहयाद्री टीम- उत्तम आरोग्य हाच खरा 'दागिना' आहे. उत्तम आरोगयासाठी सर्वत्तम आहाराची गरज असते....

आजचे राशी भविष्य! वाचा कसा जाईल तुमचा आजचा दिवस..

मुंबई । नगर सह्याद्री - मेष राशी भविष्य आज जवळच्या मित्राच्या मदतीने काही लोकांना आज चांगले...

Ahmednagar: सावधान! प्लॅस्टर ऑफ पॅरिसच्या गणेश मूर्ती बनवताय? ही बातमी एकदा वाचा..

अहमदनगर | नगर सह्याद्री प्लॅस्टर ऑफ पॅरिसच्या गणेश मूर्ती तयार न करता पर्यावरण पूरक मूर्ती...