spot_img
अहमदनगरAhmednagar Crime: माजी नगरसेवकांकडून ठेकेदाराला मारहाण! कारण काय आलं समोर..

Ahmednagar Crime: माजी नगरसेवकांकडून ठेकेदाराला मारहाण! कारण काय आलं समोर..

spot_img

अहमदनगर | नगर सह्याद्री
उसणे दिलेले पैसे चार लोकांत मागितल्याच्या रागातून शिवसेना शिंदे गटाचे संपर्क प्रमुख माजी नगरसेवक सचिन जाधव व इतरांनी ठेकेदाराला मारहाण केली. चेतन शशीकांत अग्रवाल (वय ३१ रा. बुरूडगाव रस्ता, नगर) असे मारहाण झालेल्या ठेकेदाराचे नाव आहे. मंगलगेट परिसरात सचिन जाधव याच्या कार्यालयात ही घटना घडली आहे.

मारहाणीत जखमी झालेल्या चेतन यांच्यावर खासगी रूग्णालयात उपचार सुरू असून त्यांनी उपचारादरम्यान पोलिसांना दिलेल्या जबाबावरून सचिन जाधवसह चौघांविरूध्द तोफखाना पोलीस ठाण्यात मंगळवारी (दि. १४) गुन्हा दाखल करण्यात आला आहे. सचिन तुकाराम जाधव (रा. रामचंद्र खुंट), प्रेम काळे, प्रशांत काळे, अभिजित तांबडे (पूर्ण नाव, पत्ता नाही) अशी गुन्हा दाखल झालेल्यांची नावे आहेत.

चेतन यांनी सुमारे १५ ते २० दिवसांपूर्वी सचिनला वाळवणे गावातील यात्रेच्या दिवशी उसणे पैसे दिले होते. ते पैसे मागण्यासाठी चेतन हे सचिनच्या मंगलगेट येथील कार्यालयात १२ मे रोजी दुपारी गेले होते. चेतन यांनी पैशाची मागणी केली असता सचिनने शिवीगाळ करून चार लोकांत पैसे मागतो का? असे म्हणून मारहाण केली. धारदार वस्तूने डोयात मारून जिवे मारण्याची धमकी दिली. प्रेम, प्रशांत व अभिजित यांनी देखील मारहाण केली असल्याचे फिर्यादीत म्हटले आहे. पोलीस अधिक तपास करीत आहेत.

मारहाणीचा आणखी एक गुन्हा दाखल
लोकसभा निवडणुकीच्या एक दिवस आधी (१२ मे) मंगलगेट येथे दोन गटांत हाणामारीची घटना घडली होती. यात जखमी झालेले सचिन जाधव यांना खासगी रूग्णालयात उपचारासाठी दाखल करण्यात आले होते. तेथे उपचार घेत असताना बातमीसाठी मोबाईलमध्ये चित्रिकरण करत असलेल्या पत्रकाराला सचिन जाधव व त्याच्या कार्यकर्त्यांनी मारहाण केली. मोहमंद हसन इदरीस सय्यद (वय २० रा. मुकुंदनगर) असे मारहाण झालेल्या पत्रकाराचे नाव आहे. त्यांच्यावर रूग्णालयात उपचार सुरू आहे. त्यांनी दिलेल्या जबाबावरून सचिन जाधवसह सात ते आठ अनोळखी व्यक्तींविरूध्द तोफखाना पोलीस ठाण्यात गुन्हा दाखल करण्यात आला आहे.

आणखी महत्वाच्या बातम्या

आणखी वाचा

अधिक परतावा देण्याचे आमिष दाखवून फसवणारा गोल्डन गेटचा पर्दाफाश!, वाचा नगर क्राईम

​अहिल्यानगर । नगर सहयाद्री:- गुंतवणूकदारांनी गुंतवलेल्या रकमेवर अधिक परतावा देण्याचे आमिष दाखवून गुंतवणूकदारांची कोट्यवधी...

शिवसेनेच्या शुभांगी पोटे यांचा सार्‍यांनीच घेतला धसका; काय काय घडलं पहा

आप्पा चव्हाण | नगर सह्याद्री जिल्ह्याचे लक्ष वेधून घेतलेल्या श्रीगोंदा नगरपालिका निवडणुकीमध्ये शेवटच्या टप्प्यात शिवसेना...

कानठळ्या बसविणारे सायलेन्सर पोलिसांनी चालविला रोडरोलर, नेमकं काय केले पहा

पोलिसांनी १३० मॉडिफाइड सायलेन्सरवर चालविला रोडरोलर अहिल्यानगर | नगर सह्याद्री शहरातील कोतवाली, तोफखाना व भिंगार कॅम्प...

लोणीतील सराफ दुकानात जबरी चोरी; कुख्यात गुंडाची टोळी 12 तासांत जेरबंद

अहिल्यानगर । नगर सहयाद्री:- लोणी येथील अजय ज्वेलर्स दुकानात झालेल्या जबरी चोरीचा गुन्हा केवळ...