अहिल्यानगर | नगर सह्याद्री:-
मुकुंदनगर परिसरात शुक्रवारी सायंकारी एका युवकावर प्राणघातक हल्ला झाल्याची धक्कादायक घटना घडली. युवकावर हल्ला केल्यानंतर हल्लेखोर फरार झाले. दरम्यान जखमी युवकावर खासगी रुग्णालयात उपचार सुरु असतांनाच त्याचा मृत्यू झाला. जिशान खान (वय 18) असे युवकाचे नाव असल्याचे सांगितले जात आहे.
घटनेची माहिती मिळताच भिंगार कॅम्प पोलीस निरीक्षकांनी तत्काळ घटनास्थळी धाव घेतली. जखमी युवकाला खासगी रुग्णालयात उपचारासाठी दाखल करण्यात आले. जखमीवर उपचार सुरु असतांनाचा त्याचा मृत्यू झाला. या घटनेमुळे नातेवाईकांनी रुग्णालयात मोठी गद केली होती.सदर हल्ल्‌‍याचे कारण अद्याप अस्पष्ट आहे.
आरोपी फरार असल्याने पोलिसांच्या तपासात अडथळा निर्माण झाला आहे. शनिवारी दुपारपर्यंत गुन्हा दाखल करण्याची प्रक्रिया सुरू होती. या घटनेने परिसरात भीतीचे वातावरण पसरले असून नागरिकांत चिंतेचे वातावरण निर्माण झाले आहे. पुढील तपास भिंगार कॅम्प पोलीस करत आहेत.
