spot_img
अहमदनगरपारनेरमध्ये नवीन राजकीय समीकरणांची नांदी

पारनेरमध्ये नवीन राजकीय समीकरणांची नांदी

spot_img

शरद झावरे | नगर सह्याद्री
लोकसभा निवडणुकीसाठी विधानसभेचे माजी उपाध्यक्ष व उबाठा शिवसेनेचे माजी आमदार विजयराव औटी यांनी महाविकास आघाडीशी फारकत घेत महायुतीचे उमेदवार भाजपचे खासदार डॉ. सुजय विखे पाटील यांच्या बरोबर जाण्याची भूमिका बुधवारी जाहीर केली आहे. हा निर्णय घेण्यापूर्वी माजी आमदार विजय औटी यांनी शिवसेनेच्या प्रमुख कार्यकर्त्यांसह रामदास भोसले, प्रियंका खिलारी, अनिल शेटे यांच्याशी चर्चा करत हा निर्णय घेतल्या असल्याचे त्यांनी जाहीर केले आहे. त्यामुळे दक्षिण लोकसभा मतदारसंघात निवडणूक रंगात आली असताना उबाठाचे माजी आमदार विजय औटी यांच्या निर्णयाने पारनेर तालुयातील महाविकास आघाडीत बिघाडी निर्माण झाली आहे.त्यामुळे उबाठा शिवसेनेचे नेते यावर काय भाष्य करतात किंवा भूमिका येतात याकडेही तालुयाचे व शिवसैनिकांचे लक्ष लागले आहे.

दुसरीकडे उबाठा शिवसेनेचे नगरचे जिल्हाप्रमुख शशिकांत गाडे यांच्यासह संदेश कार्ले, विक्रम राठोड, माजी महापौर अभिषेक कळमकर हे महाविकास आघाडीतील घटक पक्षाचे पदाधिकारी निलेश लंके यांच्या प्रचारावर आघाडी असताना माजी आमदार विजय औटी यांच्या भूमिकेमुळे उलट सुलट चर्चेला उधाण आले आहे.

गेल्या एक महिन्यापासून उबाठा शिवसेनेचे माजी आमदार विजय औटी यांनी या लोकसभेच्या निवडणुका संदर्भात आपली भूमिका गुलदस्त्यात ठेवली होती. अखेर बुधवारी यावर निर्णय घेतला असून ते महायुतीचे उमेदवार सुजय विखे पाटील यांच्या प्रचारात सक्रिय होणार असल्याची माहिती सुद्धा त्यांनी खुद्द दिली आहे.

सध्या अहमदनगर लोकसभा मतदारसंघात निवडणुकीचे वातावरण चांगलेच तापले असून जिल्हात व अनेक तालुयात मोठ्या राजकीय घडामोडींना वेग येत आहे. लोकसभा निवडणुकीत रंगात आली असताना अनेक तालुयात स्थानिक पातळीवरील सह अनेक प्रमुख पक्षाचे नेते शरदचंद्र पवार राष्ट्रवादी काँग्रेसचे उमेदवार नीलेश लंके तर भाजपचे उमेदवार डॉ सुजय विखे पाटील यांना पाठिंबा देत आपले भूमिका व्यक्त करू लागले आहे.

उद्धव ठाकरे, संजय राऊत यांच्या भूमिकेकडे लक्ष
राज्यामध्ये महायुती विरुद्ध महाविकास आघाडी असा लोकसभा निवडणूक साठी सत्ता संघर्ष रंगला असताना पारनेर मध्ये महाविकास आघाडीत बिघाडी निर्माण झाली आहे. माजी आमदार विजय औटी यांची भूमिकेमुळे जिल्ह्यातील व तालुयातील शिवसैनिक नाराज झाले असून उद्धव बाळासाहेब ठाकरे शिवसेनेचे पक्षप्रमुख उद्धव ठाकरे व प्रवक्ते खासदार संजय राऊत काय भूमिका घेतात याकडेही जिल्ह्याचे व तालुयाचे लक्ष लागले आहे.

 

आणखी महत्वाच्या बातम्या

आणखी वाचा

आजचे राशी भविष्य! चिंतामुक्त व्हाल, हाती पैसा राहील; यशाचा शुभ दिवस

मुंबई । नगर सह्याद्री – मेष राशी भविष्य पुन्हा ऊर्जा मिळविण्यासाठी संपूर्ण विश्रांती घ्या. जर तुमची...

मंत्री विखे शेतकऱ्यांच्या बांधावर; अतिवृष्टीने नुकसान झालेल्या भागाची केली पाहणी, दिले महत्वाचे आदेश..

पाथर्डी | नगर सह्याद्री सोमवारी अहमदनगर शहरासह जिल्ह्यात परतीच्या पावसाने धुमाकूळ घातला. अनेक भागात अतिवृष्टी...

आयत्या पिठावर रेघोट्या मारून, खोटे सांगून क्रेडिट का घेता?; माजी मंत्री थोरात यांचा विरोधकांना सवाल

संगमनेर | नगर सह्याद्री दुष्काळी भागाला पाणी मिळावे याकरता सहकारमहष भाऊसाहेब थोरात यांच्या संकल्पनेतून कारखान्याच्या...

जीएसटी समितीच्या अहिल्यानगर शहर संयोजकपदी निखिल वारे

अहिल्यानगर | नगर सह्याद्री वस्तू आणि सेवांवरील जीएसटी कमी करण्याचा निर्णय सर्वसामान्यांसाठी लाभकारक आहे. पंतप्रधान...