लातूर। नगर सहयाद्री-
महाराष्ट्रातून एक भीषण अपघाताची घटना समोर आली आहे. देवदर्शनासाठी निघालेल्या भाविकांच्या कारचा अपघात घडला आहे. यामध्ये चार जणांचा मृत्यू झाला असून दोघे जण गंभीर जखमी झाले आहे.
नांदेडमधील रहिवासी असलेले चार मित्र तुळजाभवानी मातेच्या दर्शनासाठी निघाले होते. पहाटेच्या सुमारास लातूर-नांदेड महामार्गावरील महाळंग्रा शिवारात कारचालकाचे गाडीवरील नियंत्रण सुटले. काही क्षणातरच कारने ऊसाच्या ट्रॉलीला जोरदार धडक दिली.
या भीषण अपघातात चारही तरुणांचा जागीच मृत्यू झाला. स्थानिकांकडून अपघाताची माहिती मिळताच पोलिसांनी तातडीने घटनास्थळी धाव घेत इतर दोन जखमींना उपचारासाठी दाखल केले आहे. चौघांच्याही मृत्यूने मित्रपरिवारामध्ये शोककळा पसरली आहे.
