spot_img
महाराष्ट्रभीषण अपघात ! परीक्षेला चाललेल्या तीन भावा बहिणीला चिरडले

भीषण अपघात ! परीक्षेला चाललेल्या तीन भावा बहिणीला चिरडले

spot_img

छत्रपती संभाजीनगर / नगर सह्याद्री
परीक्षेला चाललेल्या तीन भावंडांना ट्रकने चिरडल्याची घटना घडली आहे. छत्रपती संभाजीनगर शहरातील बीड बायपास परिसरातल्या बाळापूर फाट्यावर ही घटना घडली. ही धडक इतकी जोरदार होती की दुचाकीवरील तिघांचा जागीच मृत्यू झाला. मृतांमध्ये एक बहीण व दोघे भावांचा समावेश होता.

प्रवीण अंभोरे, प्रतिभा अंभोरे आणि लखन अंभोरे अशी मृतांची नावे असून ते परभणी जिल्ह्यातील रहिवासी असल्याची प्राथमिक माहिती मिळाली आहे. सातारा परिसरातील शिवछत्रपतीनगर भागात ते मागील काही दिवसांपासून राहत होते.

प्राथमिक माहितीनुसार, आज (दि.८) सकाळी दहा वाजता बीड बायपासवरील बाळापूर फाटा परिसरात हे तिघे चालले होते. याचवेळी दोन हायवा एकमेकांना ओव्हरटेक करत होत्या. याच नादात एका हायवा चालकाने दुचाकीला जोराची धडक दिल्याने व थेट अंगावरून हायवा गेल्याने तिघांचा जागीच मृत्यू झाला. घटनेनंतर हायवा चालक घटनास्थळावरून गाडीसह फरार झाला.

मृत झालेले तिघेही बहीण-भाऊ साधारण वीस ते पंचवीस वर्षे असतील असा अंदाज आहे. घटनास्थळी वन विभागाच्या परीक्षेचे हॉलतिकीट आढळून आल्याने ते परीक्षा देण्यासाठी जात होते असा अंदाज वर्तवला आहे. घटनेनंतर माहिती समजताच स्थानिक नागरिकांनी धाव घेत गर्दी केली. माहिती समजताच चिकलठाणा पोलीस घटनास्थळी दाखल झाले होते. पोलिसांनी घटनास्थळी पंचनामा करून हायवा ट्रकचा शोध सुरु केला होता. घटनास्थळाची भयावह स्थिती पाहून नागरिकांमधून अत्यंत शोक व्यक्त केला जात होता. या घटनेचा अधिक तपास पोलीस करत असून तपासाअंती अधिक माहिती समोर येईल.

 

आणखी महत्वाच्या बातम्या

आणखी वाचा

आजचे राशी भविष्य! दोन राशींसाठी आजचा दिवस लाभदायक… वाचा तुमच्या राशीत आज काय?

मुंबई । नगर सह्याद्री - मेष राशी भविष्य तुमच्या प्रियजनांशी कटुपणे वागू नका - अन्यथा...

कारागृहातून आरोपीने पाठवले साक्षीदाराला धमकीचे पत्र; वाचा अहिल्यानगर क्राईम

अहिल्यानगर । नगर सहयाद्री:- शहरातील साई कॉलनी परिसरात साक्षीदाराला पत्राद्वारे धमकी दिल्याचा प्रकार घडला....

पुण्यात नात्यांमध्येच रक्तरंजित थरार; आयुषच्या हत्येची धक्कादायक माहिती उजेडात

पुणे / नगर सह्याद्री - पुणे शहरातील नाना पेठ परिसरामध्ये झालेल्या आयुष कोमकर हत्या प्रकरणातील...

शहरात साहित्योत्सव रंगणार; संमेलनाची तयारी पूर्ण, ११, १२ सप्टेंबरला भरगच्च कार्यक्रम

अहिल्यानगर । नगर सहयाद्री:- पुणे महाराष्ट्र साहित्य परिषदेच्या सावेडी उपनगर शाखा आयोजित राज्यस्तरीय युवा साहित्य...