वाढदिवसानिमित्त पारनेरमध्ये शनिवारी आयोजन
पारनेर। नगर सहयाद्री
पारनेर तालुयातील सामाजिक, राजकीय क्षेत्रातील उमदे नेतृत्व जिल्हा परिषदेचे माजी उपाध्यक्ष सुजित झावरे पाटील यांच्या वाढदिवसानिमित्त २३ मार्चला कार्यकर्ता संवाद मेळाव्याचे आयोजन करण्यात आले आहे. पारनेरमधील लक्ष्मी नारायण मंगल कार्यालयात हा मेळावा पार पडणार आहे. या मेळाव्यात ते काय भूमिका घेतात हे आगामी निवडणुकांच्या अनुशंघाने महत्वाचे ठरणार आहे.
जिल्हा परिषदेचे माजी उपाध्यक्ष सुजित झावरे पाटील यांची पारनेर मतदार संघात नेहमीच राजकीय, सामाजिक क्षेत्रात मोठी पकड राहिली आहे. सत्तेत असताना व सत्ता नसतानाही त्यांनी विकासाची कास कधी सोडली नाही. त्यांनी पारनेरमध्ये अनेक विकासकामे केली. त्यांचे वडील वसंतराव झावरे पाटील हे देखील आमदार होते.
त्यांची सामान्य लोकांशी नाळ जोडली गेली होती. त्याच पावलावर पाऊल ठेवत सुजित झावरे पाटील यांनी ही जनसामान्यांशी असणारी नाळ कायम ठेवली. जलसंवर्धनाबाबत त्यांनी विशेष कार्य केले. पारनेरमधील विविध विकासकामे, सामाजिक, राजकीय, शैक्षणिक कामांमध्ये आजही त्यांचा मोलाचा सहभाग असतो.
नेहमीच जनतेत असल्याने सुजित झावरे पाटील यांनी येत्या २३ तारखेला पारनेरमध्ये कार्यकर्ता संवाद मेळावा आयोजित केला आहे. ते यावेळी कार्यकर्त्याना संबोधित करणार आहेत. यावेळी ते कोणती राजकीय भूमिका घेतात हे पाहणे देखील औत्सुयाचे ठरणार आहे.
