अहिल्यानगर । नगर सहयाद्री:-
नगर शहरात चैन स्नेचिंग करणाऱ्या आरोपीला कोतवाली पोलिसांनी जेरबंद केले. त्यांच्याकडून २ लाख २४ हजार रुपये किंमतीचा मुद्देमाल हस्तगत करण्यात आला आहे. अभिमन्यु विलास कुसळकर ( वय 23 वर्षे, रा. सोनई, ता. नेवासा ) असे आरोपीचे नाव आहे.उपविभागीय पोलीस अधिकारी अमोल भारती, यांना कोतवाली पोलीस ठाण्याच्या हद्दीत महाशिवरात्रीच्या दिवशी चैन स्नॅचिंग गुन्ह्यातील आरोपी दुचाकीवरून शहरात पुन्हा गुन्हा करण्याचे उद्देशाने फिरत असल्याची माहिती मिळाली.
मिळालेल्या माहितीनुसार पोलीस निरीक्षक प्रताप दराडे यांनी गुन्हे शोध पथकाला आरोपीचा शोध घेत कारवाई करण्याच्या सूचना केल्या. त्यानुसार पथकाने आरोपीस मोठ्या शिताफीने मिळालेल्या माहितीनुसार आरोपीस ताब्यात घेतले.त्याच्याकडे अधिक विचारपूस केली असता त्याने साथीदार अजय रुस्तम शिंदे ( रा. कोठला, अहिल्यानगर ) याचेसह २० मे २०२४ रोजी दाखल गुन्ह्याची कबुली दिली.
सदरची कारवाई पोलीस अधीक्षक राकेश ओला, अपर पोलीस अधीक्षक प्रशांत खैरे, उपविभागीय पोलीस अधिकारी अमोल भारती यांचे मार्गदर्शनाखाली पोलीस निरीक्षक प्रताप दराडे, स.पो.नि. योगिता कोकाटे, म.पो.हे.कॉ. रोहीणी दरंदले, पो.हे.कॉ. विक्रम वाघमारे, सुर्यकांत डाके, विशाल दळवी, संदिप पितळे, पो.कॉ. दिपक रोहोकले, तानाजी पवार, सुरज कदम, सचिन लोळगे, दत्तात्रय कोतकर, शिरीष तरटे, संकेत धिवर, राम हंडाळ व मोबाईल सेलचे पो.कॉ. राहुल गुंडु,पो.कॉ.नितीन शिंदे यांच्या पथकाने बजावली आहे.
