बारामती | नगर सह्याद्री
बारामतीत आज (२ मार्च) मुख्यमंत्री आणि दोन्ही उपमुख्यमंत्र्यांच्या उपस्थित नमो महारोजगार मेळावा पार पडला. या निमित्ताने लोकसभेचे रणशिंग फुंकण्याचा मनोदय महायुतीचा होता. परंतु हा कार्यक्रम शासकीय असल्याची आठवण खा.शरद पवार यांनी करुन दिली.
त्यामुळे मुख्यमंत्री-उपमुख्यमंत्री तरीही लोकसभेच्या प्रचाराचे रणशिंग फुंकणार का, याची उत्सुकता लागली होती. अशातच शरद पवार यांचे मंचावर आगमन झाले आणि बारामतीकरांनी एकच जल्लोष केला. त्यामुळे बारामतीत शक्तिप्रदर्शनाचा मनसुबा बाळगणार्‍या अजितदादांचं मार्केट शरद पवारांनी व्यासपीठावर उपस्थित राहून खाललं अशी चर्चा होती.
शरद पवार आणि सुप्रिया सुळे उपस्थित राहिल्या आहेत. दरम्यान, या मेळाव्यात ५५ हजार युवकांना रोजगाराच्या संधी उपलब्ध करुन देण्यात आल्या असून साडेतीनशेहून अधिक कंपन्या या मेळाव्यात सहभागी झाल्या आहेत. आतापर्यंत ३३ हजार युवक, युवतींनी यामध्ये सहभागासाठी नोंदणी केली आहे.
नमो महारोजगार मेळाव्याला खा.शरद पवार, सुप्रिया सुळे, एकनाथ शिंदे, देवेंद्र फडणवीस, अजित पवार, सुनेत्रा पवार, डॉ.नीलम गोर्‍हे, मंगलप्रभात लोढा यांची मंचावर उपस्थिती पाहायला मिळाली. शरद पवार यांचं नाव निमंत्रण पत्रिकेत नव्हतं, मात्र विरोधी पक्षातून टीकेची झोड उठल्यानंतर शरद पवारांचं नाव निमंत्रण पत्रिकेत शासकीय अधिकार्‍यांना समाविष्ट करावं लागलं.
त्यानंतर मेळाव्यासाठी खुद्द शरद पवार आणि सुप्रिया सुळे उपस्थित राहिल्या आहेत. दरम्यान, या मेळाव्यात ५५ हजार युवकांना रोजगाराच्या संधी उपलब्ध करुन देण्यात आल्या असून साडेतीनशेहून अधिक कंपन्या या मेळाव्यात सहभागी झाल्या आहेत. आतापर्यंत ३३ हजार युवक, युवतींनी यामध्ये सहभागासाठी नोंदणी केली आहे
