sara tendulkar-shubman gill मुंबई ः टीम इंडियाचा माजी क्रिकेटपटू आणि क्रिकेटचा देव सचिन तेंडुलकरची मुलगी सारा तेंडुलकर सध्या चर्चेत आहे. गेल्या काही दिवसांपासून सारा तेंडुलकर आणि भारतीय क्रिकेटर शुभमन गिल यांचे अफेअर सुरू असल्याच्या चर्चा होत आहेत.
अशामध्येच सारा तेंडुलकरचा एक डीपफेक फोटो सोशल मीडियावर व्हायरल झाला होता. या फोटोमध्ये सारा शुभमन गिलसोबत दिसत होती. या फोटोवरून सारा तेंडुलकरने प्रतिक्रिया दिली आहे.
या डीपफेक फोटोवरून ती चांगलीच संतापली आहे. सारा तेंडुलकरने डीपफेक फोटोवरून आपल्या अधिकृत इन्स्टाग्राम अकाऊंटवर भलीमोठी पोस्ट शेअर करत राग व्यक्त केला आहे. तिने या पोस्टमध्ये असे लिहिले आहे की, ’माझे डीपफेक फोटो वास्तवापासून दूर आहेत. ट्विटरवर माझे अकाऊंट नाही. तरी देखील माझ्या नावाने कोणीतरी ट्विटरवर अकाऊंट उघडून त्याचा गैरवापर करत आहेत.
तसंच लोकांची दिशाभूल करत आहेत.’ तसंच, ’सोशल मीडिया हे आपल्यासाठी सुख-दु:ख आणि दैनंदिन घडामोडी शेअर करण्यासाठीचे प्लॅटफॉर्म आहे. पण काही लोकांकडून तंत्रज्ञानाचा गैरवापर होत आहे. ही बाब चिंताजनक आहे. कारण ते इंटरनेटचे सत्य आणि सत्यता हिरावून घेत आहेत. मला आशा आहे की ट्विटरने अशा अकाऊंटकडे लक्ष देऊन त्यांचे अकाऊंट सस्पेंड करावे. मनोरंजन कधीही सत्याच्या किंमतीवर नसावे.’, असं देखील तिने या पोस्टमध्ये म्हटले आहे.
