spot_img
राजकारणRohit Pawar ED Chaukashi : रोहित पवार ईडीच्या कार्यालयात दाखल, ईडी कार्यालयाबाहेर...

Rohit Pawar ED Chaukashi : रोहित पवार ईडीच्या कार्यालयात दाखल, ईडी कार्यालयाबाहेर समर्थकांची जोरदार घोषणाबाजी

spot_img

मुंबई / नगर सह्याद्री : राष्ट्रवादीचे कर्जत-जामखेडचे आमदार रोहित पवार यांची आज (२४ जानेवारी) ईडी चौकशी होणार आहे. या चौकशीसाठी ते कार्यलयात दाखल झाले आहेत. बारामती ॲग्रो कारखाना प्रकरणी त्यांची चौकशी केली जाणार आहे. त्यापूर्वी ते सकाळी हॉटेल ट्रायडेंट मधून विधिमंडळात गेले आणि तेथे थोर पुरुषांच्या फोटोला अभिवादन केले. त्यानंतर ते राष्ट्रवादीच्या कार्यालयात पोहोचले. तेथे त्यांनी शरद पवार, सुप्रिया सुळे यांची तसेच अनेक कार्यकर्त्यांची भेट घेतली. तेथून ते ईडी कार्यालयात चौकशी साठी रवाना झाले. सुप्रिया सुळेही त्यांच्यासोबत आहेत.

रोहित पवार हे एकटे नाहीत, त्यांना पाठिंबा देण्यासाठी राज्यभरातून कार्यकर्ते मुंबईत दाखल झाले. जामखेड, बारामती, पुणे येथून हजारो कार्यकर्ते काल रात्रीपासन मुंबईत दाखल असून त्यांनी रोहित पवार यांच्या समर्थनार्थ विविध घोषणा दिल्या.’एकच वादा रोहित दादा’ अशा जोरदार घोषणा देत कार्यकर्त्यांनी रोहित पवरा यांना पाठिंबा दर्शवला. एवढेच नव्हे तर बलार्ड पियर परिसरात ठिकठिकाणी रोहित पवारांसाठी बॅनर लावण्यात आले. ‘पळणारा नाही तर लढणारा दादा ‘ असे बॅनर वेगवेगळ्या ठिकाणी लावण्यात आले. तसेच ईडी कार्यालय परिसरात दडपशाहीच्या कारवाईचा निषेध असे लिहिलेले बॅनरही लावण्यात आले.

ईडी कार्यालयात नुसतंच बसवून ठेवलं तर काय करणार?
“आम्ही सर्व प्रकारची माहिती सीआयडी, इओडब्ल्यू, ईडीला दिली आहे. त्यांनी पुन्हा तीच माहिती मागवली आहे. त्यामुळे ती माहिती परत घेऊन मी ईडी कार्यालयात जाणार आहे. चौकशीदरम्यान काय होईल याची मानसिक तयारी करण्याची गरज नाही. त्यांच्या कार्यालयात त्यांच्याप्रमाणेच कारवाई होणार याची मला कल्पना आहे. चूक केली नसेल तर घाबरायचं कारण काय? त्यांनी मला नुसतंच बसवून ठेवलं तर मला मोकळा वेळ मिळेल आणि त्या वेळेत मी सरकार विरोधात कशापद्धतीने रणनिती आखायची याबाबत विचार करेन. आणि चौकशी संपल्यानंतर शरद पवार यांच्या मार्गदर्शनाखाली लोकशाहीच्या मार्गाने लढण्यासाठी मी कायम तयार असेन,” असे उत्तर त्यांनी दिले.

 

आणखी महत्वाच्या बातम्या

आणखी वाचा

स्थानिक स्वराज्य संस्थांच्या निवडणुका पुन्हा लांबणीवर! महत्वाचे कारण आले समोर, वाचा

नवी दिल्ली / वृत्तसंस्था -  मागील चार ते पाच वर्षांपासून राज्यातील स्थानिक स्वराज्य संस्थांच्या...

आधी पाप केलं, आता सल्ले देऊ नका!, निवृत्ती घ्या!; शरद पवार यांच्या टीकेला मंत्री विखे पाटलांचे प्रतिउत्तर

नाशिक । नगर सहयाद्री राष्ट्रवादी काँग्रेस (शरद पवार गट)च्या वतीने नाशिक येथे भव्य शेतकरी...

बाजारात पोहचण्याआधीच संकट; पिकअपच्या अपघाताने हादरले ‘अहिल्यानगर’

अहिल्यानगर । नगर सहयाद्री:- शहरातील आठवडे बाजारासाठी जात असताना सोमवारी (१५ सप्टेंबर) दुपारी साडेतीन...

दिवाळीपूर्वीच शेतकऱ्यांना खुशखबर! सरकारचा मोठा निर्णय?, समोर आली अपडेट

मुंबई ।नगर सहयाद्री:- भारत हा कृषीप्रधान देश असून कोट्यवधी शेतकरी आपल्या उपजीविकेसाठी शेतीवर अवलंबून आहेत....