पुणे। नगर सहयाद्री-
दररोज अंधार पडू लागला, की आंबटशौकिनांचे पाय आपोआप ‘अलिशान’ हॉटेल वळू लागतात. अशाच आंबटशौकिनांना झटका बसला आहे. पुण्यातील दोन वेगवेगळ्या हॉटेलमध्ये पोलिसांनी अचानक छापा टाकत हायप्रोफाईल सेक्स रॅकेटचा पर्दाफाश केला आहे.
पुण्यातील बाणेर परिसरात असलेल्या दोन ‘अलिशान’ हॉटेलवर वेश्या व्यवसाय सुरु असल्याची माहिती पोलिसांना मिळाली होती. वेश्या व्यवसाय चालवणारे एजंट परराज्यात राहून ऑनलाईनच्या माध्यमातून सेक्स रॅकेट चालवित होते.
पोलिसांनी हाय प्रोफाईल सेक्स रॅकेटचा पर्दाफाश करत ५ जणांना अटक करत मुंबई, उत्तरप्रदेश, दिल्ली, पश्चिम बंगाल, गुजरात, मध्यप्रदेश, येथील ११ मुलींची सुटका केली आहे.
