मुंबई। नगर सहयाद्री-
महिन्याच्या दुसऱ्याआणि तिसऱ्या आठवड्यात महाराष्ट्रात पाऊस पडण्याची शक्यता भारतीय हवामानशास्त्र विभागाने वर्तवली होती. काल राज्यातील काही जिल्ह्यात अवकाळी पावसानं चांगलच झोडपल आहे. अकोला जिल्ह्यातील बाळापुर तालुक्यातल्या ‘अवकाळी’ पावसाची एन्ट्री झाली असून अनेक भागात पावसाचा अंदाज हवामान खात्याने वर्तवला आहे.
राज्यातल्या हवामानात मोठे बदल पहायला मिळत आहे. काही भागात अचानक थंडी गायब झाली असून कडक उन्हाच्या चटके बसण्यास सुरु झाले आहे. त्यामुळे ढगाळ वातावरण निर्माण झाल्याने अवकाळी पावसाच्या सरी कोसळत आहे.
हवामान खात्याच्या माहितीनुसार, एक पश्चिमी थंड वाऱ्याचा प्रवाह हिमालयीन भागात सक्रिय होण्याचा अंदाज आहे. त्याचा परिणाम म्हणून विदर्भात अवकाळी पावसाची शक्यता राहणार असून मराठवाड्यातील काही भागात पाऊस पडण्याचा अंदाज हवामान खात्याने दिला आहे.
