नगर सहयाद्री टीम
देशात कच्चा माल उपलब्ध आहे. सोबतच टॅलेंट आणि सुविधा देखील आहेत. परंतु बऱ्याच लोकांना व्यवसाय करता येत नाही. आम्ही जी बीझनेस आयडिया सांगणार आहोत ती सुरू केल्यास वर्षभर कमाई करता येते. हा व्यवसाय जरा मोठ्या प्रमाणावर सुरू केला तर लवकरच श्रीमंत होऊ शकाल. हा व्यवसाय सुरू करण्यासाठी फारसा खर्च येत नाही आणि तुम्हाला हवे असल्यास तुम्ही सरकारचीही मदत घेऊ शकता. जर तुम्हाला असा व्यवसाय करण्यात रस असेल तर तुम्ही येथून संपूर्ण माहिती मिळवू शकता.
कांदा पेस्टचा व्यवसाय
देशभरात वर्षभरात कुठे ना कुठे कांद्याचा तुटवडा निर्माण होत असल्याच्या समस्यांना लोकांना सामोरे जावे लागते. तसेच बऱ्याचदा कांद्याची उपलब्धता खूप जास्त प्रमाणात होते. परिणामी, दर मोठ्या प्रमाणात घसरतो. अशा स्थितीत कमी दराने कांदा घेऊन या कांद्याचे पेस्टमध्ये रूपांतर केल्यास वर्षभर सहज विक्री करता येते. या व्यवसायाची भांडवल खर्चही जास्त नाही आणि वर्षभर नफा मिळत जातो.
कांदा पेस्ट व्यवसायासाठी लागणारे भांडवल जाणून घेऊया
जर तुम्हाला कांदा पेस्ट व्यवसायाची 5 लाख रुपयांपेक्षा कमी भांडवल लागेल. त्याचबरोबर हा व्यवसाय सुरू करण्यासाठी सरकारकडूनही मदत घेता येईल. खादी ग्रामोद्योग आयोगाने (KVIC) कांद्याच्या पेस्टच्या व्यवसायावर प्रकल्प अहवाल तयार केला आहे (2021 च्या माहितीनुसार). त्यानुसार हा व्यवसाय 4.19 लाख रुपयांमध्ये सुरू होऊ शकतो. त्याचबरोबर हा व्यवसाय सुरू करण्यासाठी केंद्र सरकारच्या मुद्रा कर्ज योजनेचीही मदत घेता येईल.
कांदा पेस्ट व्यवसायाच्या प्रोजेक्ट रिपोर्टचा तपशील
KVIC च्या प्रकल्प अहवालानुसार, त्याच्या उत्पादन युनिटच्या स्थापनेचा एकूण खर्च 4,19,000 रुपये आहे. या खर्चापैकी 1 लाख रुपये शेड बांधण्यासाठी आणि 1.75 लाख रुपये उपकरणे इत्यादींवर खर्च केले आहेत. उपकरणांमध्ये तळण्याचे पॅन, ऑटोक्लेव्ह स्टीम कुकर, डिझेल भट्टी, निर्जंतुकीकरण टाक्या, लहान भांडी, मग, कप इ. समाविष्ट आहे. दुसरीकडे, व्यवसाय चालवण्यासाठी 2.75 लाख रुपये लागतील.
कांद्याची पेस्ट कशी विकायची
कांद्याची पेस्ट तयार केल्यानंतर ती चांगली पॅक करावी. आजकाल कोणतीही वस्तू चांगल्या पॅकिंगशिवाय विकणे कठीण आहे. कांद्याची पेस्ट विक्रीसाठीही मार्केटिंगचा आधार घेता येईल. यामध्ये सोशल मीडियाचाही समावेश आहे.
आता जाणून घ्या तुम्हाला किती कमाई होईल
KVIC च्या प्रकल्प अहवालानुसार, जर कांद्याची पेस्ट पूर्ण क्षमतेने तयार केली गेली, तर एका वर्षात 7.50 लाख रुपयांपर्यंत विक्रीचा आकडा मिळू शकतो. यामध्ये सर्व खर्च वजा केला तरी 1.75 लाख रुपयांचा नफा मिळू शकतो. त्याचबरोबर व्यवसाय वाढला की कांद्याच्या पेस्टचे उत्पादन वाढवून उत्पन्नात अनेक पटीने वाढ करता येते.
