spot_img
महाराष्ट्र१० गुंठे शेतीची परस्पर विक्री! तोतया महिलेच्या उपिस्थत नोंदवला दस्त, 'असा' घडला...

१० गुंठे शेतीची परस्पर विक्री! तोतया महिलेच्या उपिस्थत नोंदवला दस्त, ‘असा’ घडला प्रकार

spot_img

बनावट कागदपत्रेद्वारे जमिनीची परस्पर विक्री
अहमदनगर | नगर सह्याद्री
खोटी व बनावट कागदपत्रे तयार करून व तोतया महिलेचा वापर करून बुर्‍हाणनगर (ता. नगर) शिवारातील १० गुंठे शेत जमिनीची परस्पर विक्री केल्याची घटना समोर आली आहे. याप्रकरणी सोमवारी (दि. ११) सायंकाळी कोतवाली पोलीस ठाण्यात फसवणूकीचा गुन्हा दाखल करण्यात आला आहे.

ललीता माणिकराव कादबने (वय ६७ रा. कलानगर, गुलमोहर रस्ता, सावेडी) यांनी फिर्याद दिली आहे. प्रशांत बाळू शिंदे (रा. तिसगाव ता. पाथर्डी), साठेखत दस्त व जनरल मुखत्यारपत्र दस्तात उभी राहिलेली तोतया महिला (नाव, पत्ता माहिती नाही), ज्ञानेश्वर साहेबराव बोरसे (रा. बुरूडगाव ता. नगर), भारत आण्णा शिंदे (रा. सावेडी), योगेश जगदीश सगळगिळे (रा. कोठी, स्टेशन रस्ता), अमर देविदास बोरा (रा. तपोवन रस्ता, तपोवन हाडको, सावेडी), संदीप आनंदा थोरात (रा. कल्पतरू हौसिंग सोसायटी, सावेडी), विठ्ठल शंकर उमाप (रा. सिध्दार्थनगर, सावेडी) व अंबादास रतन नवगिरे (रा. सांगवी बु. ता. पाथर्डी, हल्ली रा. ममता गॅस एजन्सी शेजारी, गुलमोहर रस्ता, सावेडी) अशी गुन्हा दाखल झालेल्यांची नावे आहेत.

फिर्यादी यांची बुर्हाणनगर शिवारात सर्व्हे नंबर ६५/ २ मध्ये १० गुंठे शेतजमिन होती. या जमिनीची परस्पर विक्री करण्यासाठी एका तोतया महिलेने तिचे बनावट आधार कार्ड तयार केले व तिच फिर्यादीच्या जमिनीची मालक असल्याचे दाखविले. प्रशांत बाळू शिंदे व इतरांनी तोतया महिलेचा वापर करून फिर्यादीच्या जमिनीचे प्रथम रजिस्टर साठेखत तयार केले व लगेच त्या आधारे बनावट मुखत्यारपत्र केले. त्या जनरल मुखत्यारपत्राचे आधारे सह दुय्यम निबंधक कार्यालय येथे खरेदीखत करून घेतले. फिर्यादी यांची १० गुंठे शेतजमिन नोंदणीकृत दस्ताने परस्पर विक्री करून फिर्यादी यांची फसवणूक केली.

दरम्यान फिर्यादी व त्यांचे पती जून २०२३ मध्ये बुर्हाणनगर तलाठी कार्यालय येथे शेतजमिनीचा कर भरण्यासाठी गेले असता त्यांनी जमिनीचा सातबारा पाहिला, त्यावर फिर्यादीची नावावरील जमिनीची विक्री झाल्याचे निदर्शनास आले. त्यानंतर फिर्यादी यांनी पोलीस अधीक्षक कार्यालय येथे तक्रार अर्ज दिला होता. त्या तक्रार अर्जाची कोतवाली पोलिसांनी चौकशी करून गुन्हा दाखल केला आहे. सहा. पोलीस निरीक्षक योगिता कोकाटे अधिक तपास करत आहेत.

आणखी महत्वाच्या बातम्या

आणखी वाचा

आमदार निलेश लंकेंसाठी फाळके-कळमकर यांची केमिस्ट्री!; थोरातांचेही बळ! लंके प्रतिष्ठानची स्वतंत्र यंत्रणा निर्णायक…

मतदारसंघात प्रतिष्ठानचे आतापासूनच स्वतंत्र अस्तित्व | संवाद यात्रा निर्णायक टप्प्यावर! सारीपाट / शिवाजी शिर्के लोकसभा निवडणुकीसाठी...

जिल्हा बँकेचा ‘त्या’ शेतकऱयांना दिलासा! घेतला मोठा निर्णय, ‘ते’ व्याज २२ एप्रिलपर्यंत जमा करणार

माजी मंत्री, चेअरमन शिवाजी कर्डीले यांची माहिती अहमदनगर / नगर सह्याद्री - अहमदनगर जिल्हा...

लोकसभेसाठी अर्ज भरण्याचा महुर्त ठरला! खा. विखे, आ. लंके कधी भरणार अर्ज… पहा

अर्ज भरण्यास २५ एप्रिल पर्यंत मुदत | १३ मेला मतदान अहमदनगर । नगर सहयाद्री- लोकसभेच्या अहमदनगर...

आयुक्तांनी घेतली कर्मचार्‍यांची झाडाझडती, नेमकं घडलं काय?

जुनी महापालिका येेथे अचानक भेट | कामावर नसलेल्या कर्मचार्‍यांवर कारवाई अहमदनगर | नगर सह्याद्री महापालिका कर्मचार्‍यांबाबत...