IPL 2024: घरच्या मैदानावर मुंबईचा पराभव करत इंडियन प्रीमियर लीग (आयपीएल) ‘एल-क्लासिको’ चेन्नई सुपर किंग्जने 20 धावांनी जिंकला. संघाचा माजी कर्णधार रोहित शर्माने शतक झळकावले पण तो संघाला विजयापर्यंत नेऊ शकला नाही.
होम ग्रांऊडवर खेळत असलेल्या मुंबई इंडियन्स संघाला हा सामना जिंकण्यासाठी २०७ धावांची गरज होती. या धावांचा पाठलाग करताना रोहितने एकाकी झुंज दिली. मात्र त्याला इतर कुठल्याही खेळाडूकडून हवी तशी साथ मिळाली नाही. इशान किशन अवघ्या २३ धावा केल्या. तर सूर्यकुमार यादव दुसऱ्यांदा शून्यावर बाद होऊन माघारी परतला. तर तिलव वर्मा ३१, कर्णधार हार्दिक पंड्या २ आणि टिम डेव्हिड १२ धावांवर माघारी परतला.
CSK कडून मथिश पाथिरानाने 4 विकेट घेतल्या, त्याने महत्त्वाच्या प्रसंगी 4 मोठ्या विकेट घेत संघात पुनरागमन केले आणि सामना जिंकला. संघाकडून एमएस धोनीनेही शेवटच्या 4 चेंडूत 3 षटकार मारत नाबाद 20 धावा केल्या.आयपीएलमधील एमआय आणि सीएसके यांच्यातील सामन्याला ‘एल-क्लासिको’ म्हणतात.
