spot_img
ब्रेकिंग'दूध दर वाढीसाठी दुग्धाभिषेक आंदोलन'

‘दूध दर वाढीसाठी दुग्धाभिषेक आंदोलन’

spot_img

पाथर्डी | नगर सह्याद्री

दुधाला शासनाच्या हमीभावाप्रमाणे दर मिळावा, पशुखाद्यांच्या किंमती नियंत्रणात आणाव्यात, शासनाने जनावरांसाठी चारा डेपो व पेंड उपलब्ध करून द्यावी, प्रत्येक गावात पशुवैद्यकीय सुविधा केंद्र सुरू करावेत, पाथर्डी, शेवगाव तालुयात गंभीर दुष्काळ जाहीर करावा आदी मागण्यांसाठी शुक्रवारी सकाळी पाथर्डी येथील वसंतराव नाईक चौकात दूध उत्पादक शेतकर्‍यांनी दुग्धाभिषेक आंदोलन केले.

यावेळी आदिनाथ देवढे, सुनील पाखरे यांनी आक्रमक भूमिका घेत लोकप्रतिनिधी व सरकार विरोधात हल्लाबोल केला. तहसीलदार श्याम वाडकर यांनी आंदोलकांच्या भावना वरिष्ठांपर्यंत पोहोचण्याचे आश्वासन दिल्यानंतर आंदोलन स्थगित करण्यात आले. यावेळी शेतकर्‍यांनी शासना विरोधात घोषणाबाजी केली. शासनाच्या हमीभावाप्रमाणे दर न देणार्‍या शासकीय सहकारी दूध संघ व खासगी प्रकल्पांवर गुन्हे दाखल करण्याची मागणी केली.

पशुसंवर्धन व दुग्धविकास मंत्री राधाकृष्ण विखे पाटील यांनी माध्यमांवर ३.५ फॅट व ८.५ एसएनएफ याकरिता ३४ रूपये दर दिला जाईल, असे जाहीर केले होते. तसा निर्णय होऊन शासकीय दूध संघ आणि खाजगी दूध संस्था २५-२६ रूपये प्रतिलिटर प्रमाणे भाव देत आहे. चारा आणि पशुखाद्यांचे दर कडाडले असून शेतकर्‍यांचा दूध व्यवसाय कोलमडण्याच्या अवस्थेत आहे. सरकारी व खासगी दूध संघ कुणाच्या आशिर्वादाने? दिवसाढवळ्या शेतकरी दूध उत्पादकांची लूट करत आहेत, असा प्रश्न आदिनाथ देवढे यांनी उपस्थित केला.

शासकीय हमीभाव झुगारून देत दूध उत्पादकांना खुलेआम लुटणार्‍या प्रकल्पांवर कारवाई व्हावी, अशी मागणी यावेळी केली. आंदोलनात ज्ञानेश्वर खवले, अक्षय वायकर, शहादेव भाबड, दत्तात्रय बडे, तुकाराम देवढे, प्रेमचंद खंडागळे, भीम गर्जे, महादेव मरकड, डॉ. सुहास सोनावणे, गणेश देवढे यांच्यासह दूध उत्पादक शेतकरी सहभागी झाले.

आणखी महत्वाच्या बातम्या

आणखी वाचा

वैष्णवी हगवणेचा मृत्यू कसा झाला? पोस्टमार्टममधून धक्कादायक माहिती समोर

पुणे / नगर सह्याद्री - राष्ट्रवादी काँग्रेस (अजित पवार) गटाचे नेते राजेंद्र हगवणे यांच्या...

धक्कादायक! मुख्याध्यापिकेनेच शिक्षक पतीला संपवलं, मृतदेह टाकला जाळून, कुठे घडला प्रकार पहा

यवतमाळ / नगर सह्याद्री - महाराष्ट्रातील यवतमाळ जिल्ह्यात एक खळबळजनक हत्याकांड उघडकीस आले आहे....

IAS पूजा खेडकर प्रकरणात मोठी अपडेट; ‘सर्वोच्च न्यायालयाने जामीन..’

मुंबई । नगर सहयाद्री:- वादग्रस्त ठरलेल्या माजी आयएएस प्रशिक्षणार्थी अधिकारी पूजा खेडकर यांना सर्वोच्च...

नगर जिल्ह्यात खळबळ! बिबट्या अडकला पिंजऱ्यात; एकाच ठिकाणी चार-चार?

अहिल्यानगर। नगर सहयाद्री :- अहिल्यानगर जिल्ह्यातील कोल्हार बुद्रुकमध्ये एकापाठोपाठ चार बिबटे जेरबंद करण्यात आले...