अहमदनगर | नगर सह्याद्री
नगरमध्ये रविवारी सकाळी ११ वाजता महायुतीचा मेळावा आयोजित करण्यात आला आहे. या मेळाव्याला पालकमंत्री राधाकृष्ण विखे पाटील तसेच शिवसेना (शिंदेगट) राष्ट्रवादी, रासप आदी पक्षांचे कार्यकर्ते मोठ्या संख्येने उपस्थित राहणार आहे. महायुतीतील पक्षांचा प्रथमच एकत्र मेळावा होत असल्याने या मेळाव्याकडे सर्वांचे लक्ष लागून आहे.
१४ जानेवारी सकाळी ११ वाजता शहरातील बंधन लॉन्स कार्यालयात हा महाविजय २०२४ हा जिल्हास्तरीय मेळावा आयोजित करण्यात आला आहे.
जिल्ह्यातील भारतीय जनता पार्टीचे सर्व आजी-माजी आमदार त्याप्रमाणे पक्षाचे पदाधिकारी तसेच राष्ट्रवादी काँग्रेस अजितदादा गटाचे सर्व आजी-माजी आमदार, तसेच महापालिकेचे माजी पदाधिकारी, नगरसेवक यांच्या सह शिवसेनेचे (शिंदे) जिल्ह्यातील सर्व पदाधिकारी, कार्यकार्ते या मेळाव्याला उपस्थित राहणार आहे.
आगामी निवडणुकांच्या पार्श्वभूमीवर पहिल्यांदाच अशा प्रकारे महायुतीच्या सर्व छोट्या मोठ्या घटक पक्षांच्या जिल्हास्तरीय एकत्रित मेळावा होणार आहे.
