spot_img
अहमदनगरमहायुतीला वेध लागले मंत्रिमंडळ विस्ताराचे? नगरमधून 'यांच्या' नावांची जोरदार चर्चा

महायुतीला वेध लागले मंत्रिमंडळ विस्ताराचे? नगरमधून ‘यांच्या’ नावांची जोरदार चर्चा

spot_img

मुंबई । नगर सहयाद्री-
लोकसभा निवडणुकीतील निराशाजनक कामगिरीनंतर विधानसभेला सामोरे जाण्यापूर्वी राज्यात महायुतीला मंत्रिमंडळ विस्ताराचे वेध लागलेत. याबाबत तिन्ही पक्ष आग्रही आहेत. यासाठी भाजपकडून केंद्रीय पातळीवर बैठकांचे सत्र सुरु असल्याची माहिती सूत्रांकडून देण्यात आली. दरम्यान राष्ट्रवादी काँग्रेसकडून नगर शहराचे आमदार संग्राम जगताप यांच्या नावांची चर्चा मंत्रिपदासाठी सुरू असल्याचे समजते.

लोकसभा निवडणुकीला महायुती म्हणून सामोरे गेलेल्या राज्यातील भाजप, शिंदे शिवसेना आणि अजित पवारांच्या राष्ट्रवादीला म्हणावी तशी छाप मतदारांवर पाडता आली नसल्याचे निकालात स्पष्ट झाले. हाच पॅटर्न विधानसभेत कायम राहिल्यास त्याचा सर्वाधिक फटका भाजपला बसणार आहे. भाजपने आता ओबीसी कार्ड खेळायचे ठरवलंय. त्यासाठी लोकसभेत पराभूत झालेल्या पंकजा मुंडेंचे राजकीय पुनर्वसन करण्यात येऊ शकते. यासह आमदार संजय कुटे, आमदार पंकज भोयर यांचीही नावं चर्चेत आहेत. त्यामुळे मंत्रिमंडळातील सोशल इंजिनिअरींगमध्ये कोणाची वर्णी लागणार हे पाहायचं.

राज्यातील मविआ आणि महायुती आता विधानसभेसाठी सरसावलेत. लोकसभेला केलेल्या चुकांचे मंथन करण्यात आलंय. सत्तेतील महायुतीला आणि विशेषतः भाजपला सत्ता कायम राखण्याचे आव्हान असणार आहे. त्यामुळे मंत्रिमंडळ विस्तार करुन आमदारांना मंत्रिपदाची संजीवनी देण्याचा प्रयत्न महायुती करतेय. आता अवघ्या काही महिन्यांसाठी मंत्रिमंडळात कोणाची वर्णी लागणार आणि त्यातून कोणाचं हित साध्य होणार हे विधानसभेला कळेल.

मंत्रिपदांसाठी या नावांची आहे चर्चा
भाजप
नितेश राणे – कणकवली
माधुरी मिसाळ – पर्वती,पुणे
मनीषा चौधरी – दहिसर
राणाजगजित सिंह पाटील – उस्मानाबाद
देवयानी फरांदे – नाशिक दक्षिण
आशिष शेलार – वांद्रे पश्चिम

राष्ट्रवादी (अजित पवार गट )
संग्राम जगताप – नगर
इंद्रनील नाईक – पुसद
अण्णा बनसोडे – पिंपरी

शिंदे गटातील उत्सुक आमदार?
आशिष जैस्वाल – रामटेक
संजय शिरसाट – छ.संभाजीनगर पश्चिम
भरत गोगावले – महाड
यामिनी जाधव – भायखळा
लता सोनवणे – चोपडा

आणखी महत्वाच्या बातम्या

आणखी वाचा

कारागृहातून आरोपीने पाठवले साक्षीदाराला धमकीचे पत्र; वाचा अहिल्यानगर क्राईम

अहिल्यानगर । नगर सहयाद्री:- शहरातील साई कॉलनी परिसरात साक्षीदाराला पत्राद्वारे धमकी दिल्याचा प्रकार घडला....

पुण्यात नात्यांमध्येच रक्तरंजित थरार; आयुषच्या हत्येची धक्कादायक माहिती उजेडात

पुणे / नगर सह्याद्री - पुणे शहरातील नाना पेठ परिसरामध्ये झालेल्या आयुष कोमकर हत्या प्रकरणातील...

शहरात साहित्योत्सव रंगणार; संमेलनाची तयारी पूर्ण, ११, १२ सप्टेंबरला भरगच्च कार्यक्रम

अहिल्यानगर । नगर सहयाद्री:- पुणे महाराष्ट्र साहित्य परिषदेच्या सावेडी उपनगर शाखा आयोजित राज्यस्तरीय युवा साहित्य...

शासन निर्णय मागे घेण्याची आवश्यकता नाही!; मंत्री विखे पाटील

मंत्री छगन भुजबळ यांची मागणी फेटाळली मुंबई । नगर सहयाद्री:- मराठा आरक्षणाच्या संदर्भात मंत्रिमंडळ उपसमितीने...