मुंबई / नगर सहयाद्री
Maharashtra Political News : राजकारणाची सुरवात मी शरद पवारांची मुलगी म्हणून केली. माझ्याकडे सत्तेचा पर्याय होता. मी जर तिकडे गेले असते तर लाल दिवा घेऊन आले असते. परंतु माझ्या आवडिलांचा संघर्ष मी लहानपणापासून बघत आले आहे. माझ्या वडिलांनी संघर्ष केला त्यांना सोडून सत्तेत जाणे मला पटले नाही, असा गौप्यस्फोट खा. सुप्रिया सुळे यांनी केलेला आहे.
खा. सुप्रिया सुळे म्हणाल्या की, जोपर्यंत सुषमा स्वराज, अरुण जेटली होते तोपर्यंत भाजप होता. यशवंतराव चव्हाण यांचा वारसा फक्त शरद पवारांनी चालवला आहे. समाजात महागाई व्हॅली आहे. या सगळ्यांना कारण अदृश्य शक्ती जबाबदार आहे अशी टीका सुळे यांनी केली.
आमच्यावर भ्रष्टाचाराचे आरोप केले. आज ना खाऊंगा, ना खाने दुंगाचे काय झाले? आरोप सिद्ध करा नाहीतर आमची हात जोडून माफी मागा. समरजित घाडगे यांनी हसन मुश्रीफ यांच्यावर आरोप केले त्याचे काय झाले? सकाळी 6 वाजता ईडी सीबीआयचे छापे मारले.
नवाब मलिक, संजय राऊत, छगन भुजबळ, अनिल देशमुख यांनी काय केले. सुप्रिया सुळे यांची खरी ताकद त्यांची इमानदारी आहे. दिल्लीच्या अदृश्य शक्तीला नाही चित केलं तर नाव सुप्रिया सुळे सांगणार नाही, असे आव्हान सुळे यांनी दिले.
