2024 Lok Sabha Elections: आगमी लोकसभेच्या पार्श्वभूमीवर सर्वच पक्षांकडून जोरदार तयारी सुरु आहे. सूत्राच्या माहितीनुसार भारतीय जनता पार्टी २०२४ लोकसभा निवडणुकीसाठी उमेदवारांची पहिली यादी आज जाहीर करू शकते. राजनाथ सिंह यांच्यासह सुमारे १५५ जणांची नावे समाविष्ट असल्याची चर्चा आहे.
सूत्राच्या माहितीनुसार, २०२४ लोकसभा निवडणुकीसाठी १५५ उमेदवारांची यादी आज जाहीर होणार आहे. गुरुवारी दि २९ फेब्रुवारी रोजी दिल्लीतील भाजप मुख्यालयात केंद्रीय निवडणूक समितीची बैठक झाली. या बैठकीला पंतप्रधान मोदी, अमित शहा, राजनाथ सिंह यांच्याशिवाय भाजपशासित राज्यांचे मुख्यमंत्रीही उपस्थित होते.
पंतप्रधान मोदींना वाराणसीतून, अमित शहा यांना गांधीनगरमधून, राजनाथ सिंह यांना लखनऊमधून, उमेदवारी मिळु शकते. याशिवाय १५५ जणांमध्ये भिवानी बल्लभगडचे भूपेंद्र यादव, दिब्रुगढचे सर्बानंद सोनोवाल, राजौरी- अनंतनागचे रवींद्र रैना, कोटा येथील ओम बिर्ला, ईशान्य दिल्लीचे मनोज तिवारी, पश्चिम दिल्लीचे परवेश वर्मा आणि असनसोलमधून भोजपुरी गायक आणि अभिनेता पवन सिंह यांचा समावेश आहे.
