अहिल्यानगर / नगर सह्याद्री
नगर शहर विधानसभा मतदारसंघात महायुतीचे उमेदवार आमदार संग्राम जगताप यांच्या उमेदवारी अर्जावर महाविकास आघाडीचे बंडखोर उमेदवार काँग्रेसचे शहर जिल्हाध्यक्ष किरण काळे यांनी हरकत घेतली आहे आठ मुद्दे उपस्थित करत उमेदवारी अर्ज अपात्र करण्यात यावा अशी मागणी केली आहे.
त्यावर निवडणूक निर्णय अधिकार्‍यांनी दुपारी तीन वाजता सुनावणी ठेवली आहे. याबाबत लोकप्रतिनिधित्व अधिनियम १९५१ चे कलम ३६ (५) अन्वये आमदार संग्राम अरुणकाका जगताप आणि हरकतदार किरण गुलाबराव काळे यांना नोटीस बजाविण्यात आली आहे. निवडणूक निर्णय अधिकारी सुधीर पाटील यांनी सदर नोटीस बजावली असून हरकतदार व गैरहरकतदार यांना याबाबत सुनावणी कामी उपस्थित राहणे बाबत सूचित केले आहे.
आमदार संग्राम जगताप यांच्या अर्जावर किरण काळेंची हरकत
