नगर सह्याद्री टीम : सध्या अनेक लोक बाईक वेडे आहेत. परंतु तुम्हाला माहित आहे का कि जगात अशी एक बाईक आहे कि जी सर्वात महागडी आहे? आज आपण या ठिकाणी त्या बाईक बद्दल पाहूया. ही बाईक विकत घेणे सामान्य माणसाच्या आवाक्याबाहेरची गोष्ट आहे. या बाईकचे नाव Neiman Marcus Limited Edition Fighter असे आहे. चला जाणून घेऊया या मोटारसायकलची खासियत काय आहे ज्यामुळे ती जगातील सर्वात महागडी मोटरसायकल बनते.
एका बाईकच्या किमतीत घ्याल 81 BMW कार
Neiman Marcus Limited Edition Fighter ची किंमत 11 मिलियन डॉलर म्हणजे भारतीय चलनात सुमारे 81.75 कोटी (81,75,38,150) आहे. मोटारसायकलची लिलाव किंमत 110,000 डॉलर पासून सुरू झाली परंतु अखेरीस ती 11 मिलियन डॉलर क्षमध्ये विकली गेली आणि किंमत जवळपास 100 पट जास्त आली. या बाईकचे फक्त 45 मॉडेल्स तयार करण्यात आले होते. म्हणूनच याला लिमिटेड एडिशन असे नाव देण्यात आले आहे.
या साध्या कंपनीने बनवली आहे ‘ही’ युनिक बाईक
विशेष म्हणजे नीमन मार्कस कंपनी ही ऑटोमोबाईल कंपनी नसून लक्झरी डिपार्टमेंट स्टोअर ब्रँड आहे. पण जेव्हा या कंपनीने ही मोटरसायकल लिलावासाठी लाँच केली तेव्हा तिच्या किमती इतक्या वाढल्या की ही बाईक जगातील सर्वात महागडी बाईक बनली. ही मोटारसायकल दिसते त्यापेक्षा कितीतरी पटीने अधिक आहे, असा कंपनीचा विश्वास आहे.
हि आहे बाईकची खासियत
ही बाईक काही सेकंदात 300 kmph चा टॉप स्पीड गाठू शकते. त्याची बॉडी टायटॅनियम, अॅल्युमिनियम आणि कार्बन फायबरपासून बनलेली आहे आणि ती खूप आलिशान दिसते. या बाईकला ‘इव्होल्यूशन ऑफ द मशीन’ असे म्हटले जात होते. हे 120ci 45-डिग्री एअर-कूल्ड व्ही-ट्विन इंजिनद्वारे समर्थित आहे, जे या बाईकला शक्तिशाली बनवते.
