spot_img
अहमदनगरकोतवाली पोलिसांची मोठी कामगिरी; 'त्या' चोरट्याला गुजरातमध्ये ठोकल्या बेड्या 

कोतवाली पोलिसांची मोठी कामगिरी; ‘त्या’ चोरट्याला गुजरातमध्ये ठोकल्या बेड्या 

spot_img

अहमदनगर / नगर सह्याद्री : सराफा बाजारातील वर्मा ज्वेलर्स मध्ये चोरी करणाऱ्या टोळीतील फरार असलेला आरोपीला कोतवाली पोलिसांनी सुरत (गुजरात) येथून अटक केली आहे. सोनसिंग बच्चनसिंग शिकलकर उर्फ भोंड (वय १९ वर्षे, रा. रेल्वेस्टेशन, शिकलकरी वस्ती, नाशिकरोड, नाशिक) असे आरोपीचे नाव आहे. पोलिस अधीक्षक राकेश ओला यांच्या मार्गदर्शनाखाली स्थानिक गुन्हे शाखा व कोतवाली पोलिसांना गुजरात पोलिसांच्या मदतीने आरोपीला अटक करण्यात यश आले.

सराफा बाजारातील संतोष सिताराम वर्मा यांच्या दुकानात १ ऑक्टोबर २०२३ रोजी चोरी झाली होती. दुकानातील सोन्याचे दागिने व रोख रक्कम असा २४ लाख ६८ हजार रुपये किमतीचा ऐवज चोरी गेल्याच्या फिर्यादीवरुन गुन्हा दाखल झाला होता. कोतवाली पोलिसांनी चोरी करणाऱ्या टोळीतील २ आरोपींना याआधी जेरबंद केले आहे. या गुन्ह्यातील तिसरा फरार आरोपी सोनसिंग बच्चनसिंग शिकलकर उर्फ भोंड हा सुरत येथे असल्याची माहिती कोतवाली पोलिसांना मिळाली. पोलीस अधीक्षक राकेश ओला यांनी केलेल्या मार्गदर्शनानुसार स्थानिक गुन्हे शाखा व कोतवाली पोलिसांनी आरोपीला सुरत येथून अटक केली आहे. आरोपीने गुन्ह्याची कबुली दिली असून चोरीतील वाट्याला आलेले अडीच तोळे वजनाचे सोन्याचे दागीने हस्तगत करण्यात आले आहेत.

पोलीस अधिक्षक राकेश ओला, अपर पोलीस अधिक्षक प्रशांत खैरे, उपविभागीय पोलीस अधिकारी अनिल कातकाडे यांच्या मार्गदर्शनाखाली पोलीस निरीक्षक चंद्रशेखर यादव, सपोनि विश्वास भान्सी, पोसई गजेंद्र इंगळे, पोहेकाँ तनविर शेख, पोहेकाँ गणेश धोत्रे, पोना योगेश भिंगारदिवे, पोना शाहीद शेख, पोकाँ अमोल गाढे, पोकॉ संदिप थोरात, तसेच दक्षीण मोबाईल सेलचे पोकों राहुल गुंडू यांच्या पथकाने ही कारवाई केली आहे.

आणखी महत्वाच्या बातम्या

आणखी वाचा

वैष्णवी हगवणेचा मृत्यू कसा झाला? पोस्टमार्टममधून धक्कादायक माहिती समोर

पुणे / नगर सह्याद्री - राष्ट्रवादी काँग्रेस (अजित पवार) गटाचे नेते राजेंद्र हगवणे यांच्या...

धक्कादायक! मुख्याध्यापिकेनेच शिक्षक पतीला संपवलं, मृतदेह टाकला जाळून, कुठे घडला प्रकार पहा

यवतमाळ / नगर सह्याद्री - महाराष्ट्रातील यवतमाळ जिल्ह्यात एक खळबळजनक हत्याकांड उघडकीस आले आहे....

IAS पूजा खेडकर प्रकरणात मोठी अपडेट; ‘सर्वोच्च न्यायालयाने जामीन..’

मुंबई । नगर सहयाद्री:- वादग्रस्त ठरलेल्या माजी आयएएस प्रशिक्षणार्थी अधिकारी पूजा खेडकर यांना सर्वोच्च...

नगर जिल्ह्यात खळबळ! बिबट्या अडकला पिंजऱ्यात; एकाच ठिकाणी चार-चार?

अहिल्यानगर। नगर सहयाद्री :- अहिल्यानगर जिल्ह्यातील कोल्हार बुद्रुकमध्ये एकापाठोपाठ चार बिबटे जेरबंद करण्यात आले...