spot_img
अहमदनगरग्रामपंचायत निकाल : कर्डिले गटाला सहा ; महाविकास आघाडीला दोन, पण...

ग्रामपंचायत निकाल : कर्डिले गटाला सहा ; महाविकास आघाडीला दोन, पण…

spot_img

सुनील चोभे / नगर सह्याद्री
नगर तालुक्यात 8 ग्रामपंचायतींच्या झालेल्या निवडणुकीमध्ये वडगाव गुप्ता व देऊळगाव सिद्धी येथील सत्ताधार्‍यांना सत्ता राखण्यात यश आले आले. तर अरणगाव, हिवरे झरे, मेहेकरी, हिंगणगावमध्ये सत्ता परिवर्तन झाले. बारदरी, निबोंडी या दोन ग्रामपंचायती अगोदरच बिनविरोध झाल्या होत्या. 

यातील 6 ग्रामपंचायतीवर माजी मंत्री तथा जिल्हा बँकेचे अध्यक्ष शिवाजी कर्डिले गटाने सत्ता मिळविली. तर अरणगाव (आ. लंके गट) व हिवरे झरे या दोन ग्रामपंचायतींवर नगर तालुका महाविकास आघाडीचा झेंडा फडकला. नगर तालुक्यात आठ ग्रामपंचायतींच्या निवडणुका जाहीर झाल्या होत्या. त्यातील बारदरी, निबोंडी या दोन ग्रामपंचायती बिनविरोध झाल्या होत्या. या दोन्ही ग्रामपंचायती कर्डिले गटाच्याच मानल्या जातात.

सहा ग्रामपंचायतींसाठी रविवारी ८५ टक्के मतदान झाले. देऊळगाव सिद्धी येथे नगर बाजार समितीचे संचाल संजय गिरवले यांच्या पत्नी जयश्री गिरवले तर जिल्हा दूध संघाचे माजी अध्यक्ष दादाभाऊ चितळकर व पी. एस. बोरकर गटाच्या नूतन बोरकर यांच्यात लढत झाली. या लढतील बोरकर विजयी (१५४५) झाल्या. गिरवले यांना १३३५ मते मिळाली. चितळकर-बोरकर गटाला ८ तर गिरवले गटाला तीन जागा मिळाल्या.

वडगाव गुप्ता येथे माजी सरपंच विजय शेवाळे यांच्या पत्नी सोनूबाई शिवाळे व माजी सरपंच भानुदास सातपुते यांच्या गटाच्या ऋतुजा डोंगरे यांच्यामध्ये लढत झाली. त्यात सोनूबाई शेवाळे विजयी झाल्या. सातपुते यांच्या पॅनेलचा दारुण पराभव झाला. १५ जागांपैकी १४ जागा शेवाळे गटाला मिळाल्या. एका जागेवर अपक्ष दिलीप गव्हाणे विजयी झाले.

अरणगावमध्ये सरपंच पदासाठी सात उमेदवार रिंगणात होते. यात पोपट पुंड मोठ्या मताधिक्याने विजयी झाले. १५ जागांपैकी १२ जागा पुंड यांच्या गटाच्या आल्या. तर तीन जागा सरपंच पदाचे उमेदवार बबन शिंदे यांच्या गटाला मिळाल्या.

मेहकरी येथे माजी सरपंच संतोष पालवे यांच्या पत्नी विद्या पालवे विरुद्ध भाग्यश्री पालवे यांच्यात लढत झाली. त्यात भाग्यश्री पालवे विजयी (१२८६) झाल्या. विद्या पालवे यांना ५५७ मते मिळाली. ग्रामपंचायतीत सत्ता परिवर्तन होऊन विरोधक भूईसपाट झाले. हिवरे झरे ग्रामपंचायतीत बाजार समितीचे माजी उपसभापती भाऊसाहेब काळे सरपंच पदी विजयी झाले. त्यांना ७२० मते मिळाली. तर विरोधी काळे-काटे गटाचे सुदाम रोडे यांना ५२१ मते मिळाली.

९ जागांपैकी सरपंच भाऊसाहेब काळे यांच्या गटाला चार जागा मिळाल्या. विरोधी गटाला पाच जागा मिळाल्या. हिंगणगाव येथे माजी सरपंच पोपट ढगे यांच्या पत्नी मनीषा ढगे यांच्या विरुद्ध सेवा संस्थेचे माजी उपाध्यक्ष दिलीप सिनारे यांच्या पत्नी हिराबाई सिनारे यांच्यात लढत झाली. येथे सत्ता परिवर्तन होऊन सरपंचपदी मनिषा ढगे विजयी (८५७) झाल्या.

तर हिराबाई सिनारे यांना ८१७ मते मिळाली. सदस्यपदाच्या ९ जागांपैकी ४ जागा ढगे गटाला मिळाल्या. तर पाच जागा सिनारे यांच्या गटाला मिळाल्या. तहसीलदार संजय शिंदे यांच्या मार्गदर्शनाखाली सहा ग्रामपंचायतींची निवडणूक सुरळित पार पडली. पोलिस प्रशासनाच्यावतीनेे मतमोजणीसाठी चोख बंदोबस्त ठेवण्यात आला होता.

आणखी महत्वाच्या बातम्या

आणखी वाचा

Ahmednagar: शहरासह जिल्ह्यात जोर ‘धार’

रस्त्यांवर अर्धाफुट पाणी; नगरकरांची अक्षरश: त्रेधातिरपीट अहमदनगर | नगर सह्याद्री मागील रविवारपासून अवकाळीचा तडाखा जिल्ह्याला बसत...

Ahmednagar: पत्र आले आमदारांचे, ‘माफी’ सूचली प्रशासनाला

शास्तीच्या रकमेत सवलत देण्याची परंपरा कायम ः आता प्रतिसादाकडे लक्ष अहमदनगर | नगर सह्याद्री आमदारांनी पत्र...

Parner: खासदार विखे शेतकऱ्यांच्या बांधावर! म्हणाले, शेतकऱ्यांना..

पारनेर। नगर सह्याद्री- तालुक्यातील महसूल व कृषी कर्मचाऱ्यांना शेतकऱ्यांना पिकांचे पंचनामे करताना कोणत्याही अडचणी येऊ...

Ahmednagar: सैनिकाला मारहाण..; नगरच्या ‘या’ भागात ‘धक्कादायक’ प्रकार

अहमदनगर | नगर सह्याद्री- सैनिकाच्या पत्नी विषयी समाजात वाईट बोलून त्यांची बदनामी केली. याबाबत जाब...