spot_img
अहमदनगर'माजी सभापती भानुदास कोतकर यांच्या वाढदिवसानिमित्त शालेय साहित्याचे वाटप'

‘माजी सभापती भानुदास कोतकर यांच्या वाढदिवसानिमित्त शालेय साहित्याचे वाटप’

spot_img

अहमदनगर| नगर सह्याद्री
कृषी उत्पन्न बाजार समिती, पंचायत समितीचे माजी सभापती भानुदास कोतकर यांच्या वाढदिवसानिमित्त भानुदास कोतकर फाउंडेशनच्या वतीने केडगाव येथील जिल्हा परिषद प्राथमिक शाळा व मनपा शाळेतील विद्यार्थ्यांना शालेय साहित्याचे वाटप करण्यात आले.

यावेळी बाजार समितीचे संचालक नीलेश सातपुते, माजी सभापती मनोज कोतकर, जालिंदर कोतकर, सुनील कोतकर, भूषण गुंड, अशोक कराळे, शिवा मोढवे, पोपट कराळे, गणेश कराळे, शेळके, राहुल कांबळे, वैभव गिरी, संजय गुंड, महेश कार्ले, आसीफ सय्यद, महेश झरेकर, ईश्वर नवसुपे आदी उपस्थित होते.

कृषी उत्पन्न बाजार समिती, पंचायत समितीचे माजी सभापती भानुदास कोतकर यांचा वाढदिवस केडगावमध्ये विविध सामाजिक उपक्रमांनी साजरा करण्यात आला. सामाजिक भावनेतून कार्यरत असलेल्या भानुदास कोतकर फाउंडेशनने वाढदिवसाचे औचित्य साधून जिल्हा परिषदेच्या ११ शाळांमधील सुमारे १५०० शालेय विद्यार्थ्यांना शालेय साहित्य वितरित केले.

यावेळी नीलेश सातपुते म्हणाले की, केडगावच्या विकासाची मुहूर्तमेढ भानुदास कोतकर यांनी रोवली. नेप्ती उपबाजार समितीच्या माध्यमातून नगरची ओळख राज्यभर झाली. बेरोजगारांना रोजगाराची संधी त्यांच्या माध्यमातून मिळाली. त्यांच्या वाढदिवसानिमित्त सामाजिक बांधिलकी जपत भानुदास कोतकर फाऊंडेशनच्या वतीने केडगावमधील जि.प.शाळांमधील विद्यार्थ्यांची गरज ओळखून त्यांना शालेय साहित्य दिल्याचे ते म्हणाले.

मनोज कोतकर म्हणाले की, भानुदास कोतकर यांच्या मार्गदर्शनाखाली माजी महापौर संदीप कोतकर यांनी शहराचा व केडगावचा विकास केला. त्यांच्या काळातील कामे सर्वांना ज्ञात आहेत. सामाजिक, शैक्षणिक आदी क्षेत्रांत केडगावने आपले वेगळेपण कायम जपले आहे, असे ते म्हणाले. यावेळी जालिंदर कोतकर, शेळके, राहुल कांबळे यांनी मनोगत व्यक्त केले.

 

आणखी महत्वाच्या बातम्या

आणखी वाचा

आमदार दाते यांनी पारनेरचे मुद्दे गाजवले!, विधानसभेत पोलिसांच्या शौर्याचा गौरव करत केली मोठी मागणी..

पारनेर । नगर सहयाद्री:- तालुक्यात दिवसेंदिवस वाढत चाललेली कायदा व सुव्यवस्थेची समस्या, अमली पदार्थांचे...

खुशखबर! राज्यात मेगा भरती: मुख्यमंत्री फडणवीस यांनी दिली मोठी माहिती..

मुंबई । नगर सहयाद्री राज्यात 150 दिवसांच्या उद्दिष्टपूत कार्यक्रमानंतर राज्यात मेगा भरती होणार आहे....

नगर-पुणे प्रवास होणार दीड तासात; नवा रेल्वे मार्ग..

पुणे । नगर सहयाद्री:- बहुप्रतीक्षित पुणे-अहिल्यानगर नवीन रेल्वे मार्ग लवकरच प्रत्यक्षात उतरणार आहे. याबाबत सविस्तर...

आमदार सत्यजित तांबे यांची मोठी मागणी; वकीलबांधवांसाठी ‘तो’ कायदा लागू करा

Satyajit Tambe: नाशिक जिल्ह्यातील माडसांगवी येथे ॲड. रामेश्वर बोऱ्हाडे यांच्यावर नुकताच प्राणघातक हल्ला झाला....